涼意

我既〝腸胃炎@9‧11‧2008〞係食左一次藥已經好返喇！多謝大家關心，但仲係有微微咳，可能係因為自己氣管弱，醫生都話我，天氣一轉就要小心。

尋日天氣凍左好多，嘴唇爆裂，皮膚都好乾，用手抓幾下已經脫皮，成手白蒙蒙，雖然如此，我喜歡這天氣，真係爽~爽~爽~。

今日天氣都係凍冰冰、涼浸浸，感覺好舒服，但新聞話過兩日會回暖，真係有D失望，但又凍又熱，人就好易會病，大家都要小心。

現時香港要等冬天，真係等到頸都長埋，果日同朋友傾電話講開，前兩年一係就聖誕節冬，一係就新年冬，都唔知想邊個節冬好，因為兩個節日都係應該冬架嘛！唔凍邊樹似呢？

今晚我整左〝豉油卥水雞翼〞，然後加上星期六打邊爐剩既肥牛，將它與洋蔥同炒攪掂一味，然後加埋之前既〝蘿蔔炆牛仔腩@柱侯醬〞，因為燜左吃左一餐就假期，假期後生就唔係家吃，老人家又唔吃，所以可以吃到今日，肥仔話好好味。

老公可以來娘家一齊共餐，我計劃好食完飯就行回家，點知落到行見到有車就衝左上車，仲要落左車先記得要行路，真激死。

上星期日到今日為止，我已經瘦左5磅，都係多得〝咳〞，之後〝腸胃炎〞。〝腸胃炎〞後個人唔多覺肚餓，咁樣我既胃口就變細左，我要努力keep住。不過，頭先老公做左樣好殘忍既事。

老公拎左包薯片，仲要係〝勁量裝~卡樂B〞，人地諗住同佢一齊食，但我減緊唔吃得，我就求佢唔好吃~咁殘忍，點知佢話〝咁乜都唔吃喇！〞，我想佢肥就要讓他吃，我就唯有放手讓他吃，我忍不住口吃左少少，老公不停〝習~習~習~〞，天啊！慘不忍睹，點解有咁殘忍既事架！