雙色旋風 (內附食譜)

尋日已想〝阿茂整餅〞，但咳到死咁滯，所以順延今日。我揀左老公喜歡的曲奇整，之前係〝送給哥哥&大嫂結婚的一點心意〞整過一次，雖然，造型不太美，與書對比差太遠，但比起上次進步左好多，今次呢個食譜與上次係不同的。

我冒著危險嚐左一塊，唔知係咪〝元氣綠茶〞比較濃味，每次用佢整野都係帶苦味。這次用它，都係有些苦味，但冇之前咁苦可以接受。我一早已買左包新既綠茶粉，所以想快D用完它，希望新果包冇咁苦喇！

這個食譜係有2種味〝綠茶〞和〝朱古力〞，不過，老公與我都不吃朱古力的，所以我全部整晒〝綠茶〞，但我照寫2種味的做法，想做一種味的話，只要變一變就可以，相信大家咁聰明一定冇問題。

雙色旋風

食譜來自：自家製曲奇小蛋糕~Home-make Cookies & Petit Cakes

材料：(份量約15-20塊)

無鹽牛油                 70克

糖粉                         50克

全蛋                         30克

低筋麵粉                 150克

綠茶粉                     5克

可可粉                     5克

做法：

1.          先以180度預熱焗爐。

2.          牛油於室溫下軟化，用電動打蛋器加入糖粉一起打發至鬆發變白。

3.          蛋打散後分2-3次加入牛油中打勻。

4.          將已篩過的麵粉和泡打粉加入蛋糊中打勻，隨後用手拌成麵糰。

5.          麵糰平均分成4份，2份原味備用。

6.          其中一份加入綠茶粉用手拌勻成綠茶麵糰。另外一份加入可可粉用手拌勻成可可麵糰。

7.          將一份原味備用麵糰用捍麵棍枰成薄麵皮，然後用保鮮紙蓋好。其餘3份麵糰分吃以同一做法捍薄蓋好。並放入雪櫃冷藏30分鐘。

8.          取出後將2塊麵皮(一份原味及一份綠茶味)相疊好並捲成圓柱狀，再用保鮮紙包好放入雪櫃冷藏約1小時至硬身。可可味亦以同一做法捲好放入雪櫃冷藏。

9.          取出打開後以刀切割成片狀，排放在焗盤上，再放入焗爐以180度焗約15-20分鐘便成。

小貼士：

l        此麵糰必需要冷藏，冷藏後才能做出美觀的螺旋狀。