通處走@南蓮園池

23 November 2008

今日阿B與我地一齊去〝南蓮園池〞影相，當然都成為大家既目標喇！

阿B拿住扶手好開心。

其他人未到，我地帶阿B入左〝冒險樂園〞，肥阿哥仲換左代弊，
但阿B唔多肯玩，好在拎左30個出來啫！我地去拋彩虹，
阿B又拋，但成日拋左落地。

見佢唔多感興趣，就過左隔離玩拋波，佢成日拎左個波，
一係想拋又拋唔出，因為有太多窿窿。

阿B好叻仔拋仲2份禮物，跟住就出去等。

我就去用票換糖比阿B吃。

~ 南蓮園池 ~

叫你擺pose你就踎係到當擺左。

加油~加油~就到終點喇！

阿B幾時轉左行做〝食蕉〞丫？

嘩~玩到成隻濕水雞咁！

阿B眼金金望住D薯條。

高達叔叔要佢咬住條薯條影相，所以唯一既方法就係禁住佢唔比佢郁。

阿B想攪條鐵練，但係寫住〝請勿觸摸〞，叫左唔好攪又作對，
於是我地就〝哦‧‧‧〞佢嘞！之後就好唔開心僕係娣婦度。

可能又眼瞓喇！個樣幾唔開心丫！出動埋糖都唔多得，再要warm up左一陣就冇事。

又再跑、走，但係坐低休息後，佢自己落地，
唔知係咪被石屎櫈刮到背脊，所以喊得好勁，見佢咁樣，同埋應該眼瞓和肚餓，
所以肥阿哥、阿嫂、娣婦帶阿B回家。

以下幾幅相都係老公影架！又影得唔錯咁啵！捕捉到阿B既得意表情和動作。