即興：megaBOX、煮飯仔

尋晚唔知點解成個人都好攰，回家在車上睡左一陣

，我冇洗白白、刷牙仔就睡了

，因為落車後老公話肚痛，所以老公去矛厠順便洗白白，我就換衫係床休息&排隊洗白白，但太攰睡了，唯有今日起身先洗白白&努力寫Blog。

4 November 2007

早上11點幾打比熊貓姐姐

傾計，點知大聲得滯嘈醒左老公，之後佢又訓過，咁我見大家都冇野做就相約去唱K

，跟住用3人會議打比開心果姐姐問下佢有冇空閒，我心都預左唔得閒，因為開心果姐姐好忙，有好多朋友，跟住一五一十講晒今日行程又full booking，咁唔去唱K lu，唔知點解老公睡左都可以提意約食晚飯，我問〝你唔係睡左〞，佢醒左又唔答我~真係嚇死

。開心果姐姐要掛線，因差不多要出街，我同熊貓姐姐講老公聽到開心果姐姐唔得閒個樣好似有D失望咁，我地再傾多一陣都掛線了。

老公：點丫？

我：開心果姐姐夜晚幫朋友買野再拎比人。

老公：咁去熊貓姐姐家吃飯(叫外賣)。

我：開心果姐姐可能都可以一齊食晚飯既，可能會夜D。

我又再打比熊貓姐姐約食飯，佢提意可以叫〝Pizza〞有間新可以試

，約好等既時間、地點。老公話一陣可以去〝MegaBox〞行下，因為佢知我想去，其實唔止我高達叔叔都想去架！

我地遲左出門，所以改遲了半個鐘。在途中老公打比高達叔叔想約佢今晚食飯

，但冇人聽。突然睇到我地要坐既巴士係燈位前~我想追，但老公話追唔到，點知行到距離巴士站約100m，老公話有好多人上車應該追到，於是我地就開始逃亡

~真係激死

，早D追就唔駛咁辛苦喇！在坐車途中高達叔叔覆電話，老公就約佢。

老公：今晚食唔食飯？

高達叔叔：唔喇！放工後回家收舖~夜。

老公：唔係好夜之麻！

高達叔叔：咁你地係咪煮飯丫？

老公：係掛！

高達叔叔：咁應該得既。(咁答即係得)

大家相遇後，熊貓姐姐與開心果姐姐通電講老公好失望，所以夜D會黎。熊貓姐姐帶我地去左一間叫〝譚仔雲南米線〞食野

，在食野期間打比高達叔叔原來放左工，咁我地就埋佢一齊去〝MegaBox〞。

一睇就知係這層係屬於小朋友架喇！

垃圾桶好得意丫~

這是同一個地方，只不過我在這邊影完再走去另一邊影過黎~

高達叔叔話係〝高達〞+〝變形金剛〞既合體~

在其中一間舖睇到買了，我書枱的計數機壞了，但這部是沒有儲電的，一定要有強光或太陽才可以用，得物冇所用~激死，另一個是裝藥的。

〝MegaBox〞與我心中的有很大不同，熊貓姐姐見到有人唱歌就問我邊個黎

？我話我都唔知，睇D妹妹仔拎〝牌仔〞都唔知佢地寫咩？我同熊貓姐姐講〝我地老餅、Out唔識架喇！〞，行到6點到高達叔叔走，而我地就搭車去熊貓姐姐家的街市買餸。原本我地諗住叫外賣，而家為左高達叔叔玩煮飯仔喇

！

煮飯仔菜單：洋蔥豬扒、蒜容西蘭花、番茄薯仔滾排骨湯。

這個變形金剛是熊貓姐姐男朋友。

熊貓姐姐是一個愛貓之人，這3隻就是她心愛的貓兒，阿囝&阿女至少養左10年，但細B係新成員上年年尾先養，阿囝好嗲架，成日都要同佢〝初肚肚〞、阿囡就好惡、細B唔黏人。

我地怕吃唔晒，所以冇蒸雞蛋。食完飯後分開左2班人傾計，男在廳、女的在房。我地係房聽到老公大叫〝你個細女想跳樓丫〞，老公為了阻止事情發生就坐爛左張櫈，今次係老公第2次坐難熊貓姐姐D櫈，都唔明老公咁纖瘦都坐爛。熊貓姐姐放左小學&中學既記念冊係廳

，所以我地一齊睇~真係笑死我地

，開心果姐姐真係太開心，佢坐左老公坐爛既櫈，結果爛上加爛。

細B就係想跳樓的貓~

睇下開心果姐姐的功力~

其中一張係老公寫架~哈哈哈，開心果姐姐話下次大家一齊拎記念冊出黎分享，傾完計我地仲去食糖水添丫

，食糖水時開心果姐姐話〝今朝我地傾左約1個鐘〞~我好耐都冇傾咁耐電話。