這個姪仔真爆炸~

今日發生左2件事，但其中一件事激到我爆！

有2隻手指係其中一次營救阿B時撞到，撞到時有少少痛，但冇傷痕，夜晚回到家才發現瘀左。

今日2點幾與阿B去左球場玩，順便接阿媽放工。行到去球場我就放佢企係地下迫佢行，我就打比阿媽話比佢聽〝我係出面等佢放工〞

，我拖住阿B經過阿媽公司門口，阿媽行出黎話仲未放工，而阿B冇停步繼續行去睇風景方向，正當我踎下想問阿B〝點解唔理麻麻〞，阿B二話不說就爬上我個身，我推都推唔甩，唯有抱喇！

阿B全神貫注睇風景，我用手遮住太陽，因為好猛太陽怕整傷佢隻眼仔。跟住我地就去球場外圍最後有個〝火車型禽鋼架〞，阿B一見到就要落地玩喇！電話響老豆來電

， 一陣佢與阿媽去Tea問我去唔去？我唔去喇！等到阿媽放工又話去Tea，我話知，但唔去喇！阿B返去要食奶、洗白白、食藥、滴眼水。

我與阿B回到家中，立即去開奶，趁阿B食奶我就去預備洗白白的東西，中場休息抖一抖我就叫阿B洗白白。平時我未叫佢已第一時間走去塊板到等嚷着、發脾氣、攀越塊板要洗白白，唔知點解今日阿B叫極都唔應我喎！又四圍走，又禽黎禽去，做埋D好危險既動作，我就不繼重覆〝唔好喇！再係咁我就打架喇！快D黎洗白白喇！〞，阿B采我都傻仍然繼續曳，又訓係地下，攪到我有D滾滾地

。

有見及此，我就用條籐條嚇佢，佢真係唔驚喎！我就真係打左幾野落佢大脾，我睇反佢大脾有好似蚊咬紅左一細撻，佢一D反應都冇~唔喊、唔叫，繼續係地下

，個樣仲好得戚添

~神情好似

，攪左約半小時，連老豆&阿媽吃完Tea都未洗白白，足知阿媽同阿B洗白白。

洗完白白著衫時又唔定，再睇下大脾條籐條印都冇左，我就叫阿B唔好郁~都唔聽。我之前講過我打佢手板仔都唔驚既，但肥仔一下就即喊，肥仔叫我大力D，所以我比平時大力少少打佢手板仔，阿B即時喊，其實我都唔係好大力，唔知係咪

係到，所以扮野。

阿媽：唔驚，麻麻錫，麻麻錫。(講左幾次)

我：教緊你又咁，咁點教丫？

阿媽：咁細個都唔識架喇！你地咁細個我地都冇打，到你地懂事時先打你地。

阿婆：咁細個就打，佢識D乜呢？

老豆：你地咁細邊有打，你地懂事至有打之麻。

我：而家唔教幾時教丫？我有好似你地咁打咩？我好似你地咁打到出血咩？到佢懂事時我就唔駛打喇！我就會同佢講道理喇！

阿媽：你地細個時咪又係曳。

轉頭又冇野黏埋黎，其實，咁樣真係好難教，太多人錫。阿B係細，但唔多唔少都會明D，佢細細個已經識簡人

喇！有D野梗係從少開始教喇！

我覺得要有體罰，但唔係咩事都打，係要適當地打，打之前要口頭警告先~比機會，有時又要講下道理。我覺得間中才打一次半次阻嚇力會大D，平時講道理，到你出手打時佢就會知道當時你好嬲。