唉！隻手‧‧點解‧‧

尋日我見天氣凍幫阿B將D衫完全換晒季，但一不小心將右邊手指尾既指甲弄反了，而家隻指甲有一條弧線，在弧線右邊斷左少少、左邊都係斷左少少，但有血慢慢滲出黎，有D赤赤痛。

今次影隻手指尾時，在相中見到自己隻手好似D幾十歲阿婆咁~縐晒皮，恐怖到極點，這幅已是影到隻手最好，其他老公都話唔得。

從小開始每逢冬天我左邊的手會乾燥到白色~未至於會脫皮，阿媽都有同我講過「你咁細個又唔駛做野隻手都咁〝鞋〞，第時大個點算呢？」。

現在雙手〝鞋〞到真係好似沙紙咁，有時嚴重到雙隻手可以勾起衫既線，幾年前還開始有〝主婦手〞，因為天生之外，還有平時洗碗、整麵包‧‧‧等等，所以阿媽成日都叫我唔好整咁多野&帶手套洗碗，但帶手套好唔方便架麻。

上年雙腳既腳板底爆得好勁~連夏天都爆到脫皮，所以買左支〝手部、腳跟爆裂特效深層修護霜〞，搽左好D，唔知有冇咩方法可以改善呢？