嗚~嗚~嗚~唔好丫！

阿B今日動向：成日卒眼、眼訓唔訓、喊

。

11點幾(a.m.)：阿B就睡了第一轉。

12點、1點(p.m.)：阿B食左半碗粥。

2點幾(p.m.)：已經開始眼訓，我就同佢洗白白，然後開奶，中場休息時差不多訓著，又突然彈起身玩，之後再食埋剩下的，食食下又想訓，但係阿婆落完街返黎，關門時大力左D，阿B就醒晒，剩下少少都唔食，立即起身行出行口，再繼續玩唔訓。

4：00p.m.：見到我整既曲奇就嗌〝mum mum〞，自己又走去拎，但放得高拎唔到，但都食左2塊，再睇埋芝麻街都仲未捨得訓。

終於到5點幾我要洗白白，但係阿B眼訓到眼仔又紅又〝Dup〞

，於是就叫阿婆係廳拍下佢睇下訓唔訓，然後熄燈又熄電視，都唔得就等我白白完後接手。果真未訓，我就與阿B入房睡，阿B起勢咁卒眼，我唔準佢卒眼又喊，我見佢條片要換，佢趁我換片又卒眼，卒到眼仔紅晒又少少腫、又喊

。

剛巧阿媽放工回來話佢唔訓比佢出黎，換完後我抱起、放佢落地，佢又唔肯落地，落到地又攬住我隻腳，阿媽入黎抱佢又唔過去，係要攪緊我隻腳，之後阿媽抱左佢出去，還不停的喊，我話：「唔要佢。」，雖然，阿媽抱住阿B，但佢仍然望住我，然後其中一隻手朝著我的方向伸前

，示意要去我到。

最後，唔知點解佢落左地，阿媽就拖住佢，然後佢帶阿媽朝著我的方向走，我踎下與他講左幾句道理，跟住抱起，佢就立即唔喊，仲黏副我實一實~真係唔知好嬲定好笑。