老公家中倒蛋、唔靚唔采~

阿B一向對都比較喜愛〝靚〞既野，點解咁講？

梗係唔止我一個咁講，而且我有例証添丫！

例証一：

阿B走開左玩唔係睇緊電視，但電視一有女仔聲佢就〝拿拿林〞走過去睇電視。

例証二：

出到街阿B係唔應人的，佢係連我地都唔采唔應，除非佢〝聊〞你喇！又或者你係靚女，佢就會應你喇！

今日就係一個好例子：

我今日約左〝熊貓姐姐〞食lunch，因為我要去買野預備2 December 2007燒野食作好準備，佢同〝熊貓姐姐〞玩得好開心。佢地玩支寶礦力，途中〝熊貓姐姐〞電話響，佢自己一個人玩，我見到佢推推下就好似推酒杯咁，比佢發現到~幾醒目丫！

這間影貼紙相&夾公仔店都是係我地食野旁，阿B見到就即刻走過去攪攪震。

跟住就回老公家整少少野，於是我至電給娣婦等埋一齊回家，娣婦就話上黎搵我，後來肥仔來電叫我去商場等。

去到老公家我就放阿B係床叫佢唔好郁，跟住去開奶，我怕佢吃奶時會好熱就同佢除衫，一除完佢就立即有所行動喇！

中場休息時，又走去攪個電視又去攪風扇，但風扇係冇開既。

攪完那邊攪這邊，將個垃圾桶蓋拎出黎玩，又攪我整蛋糕個箱，跟住拎左老公攬枕去拖地。

一邊睇電視一邊跳舞。阿B係伯伯到開心過在家，但阿B係老公到仲開心過係伯伯到。佢不停走來走去，又猛咁講野、跳舞。

我見到肥仔與同事一齊，但娣婦未到，我就去買件衫，咁就肥就與同事去行下，到時電聯。

我去到梗係睇晒全店先喇！最後都係得果件衫，我問售貨員野時，她走過黎，阿B一見到佢就笑到丫！不繼咁望住人笑。

我：「佢只是望靚女與靚女玩。」

售貨員：「唔係丫麻？」

我：「係丫！」

售貨員同佢講〝拜拜〞，佢隻手真係〝拜拜〞喎！我就同阿B講：「同你講〝拜拜〞，你唔係飛吻架咩？」，跟住佢又立即不停飛吻。事後我同佢地講，肥仔立即問我。

肥仔：個售貨員好靚架？

我：OK喇！

肥仔：OK喇！即係都得喇！

我：普通，咁又唔好靚，又唔係醜。