學大個、眼訓、扭計

今日早上11點幾〝四大長老〞就開始起行回鄉飲，全屋就得返我與阿B兩個人，我覺得得兩個人時阿B係乖過平時，而我地晚餐會係肥阿哥家吃〝兩姑嫂攜手合作~來一客肥牛烏冬〞。

阿B常常都會攪這個櫃，但之前阿B自己玩這個櫃的小椰漿罐頭被整親隻腳仔，所以停玩了一段時間。近排佢又開始玩返，仲會將D物品由這裡搬到去那裡，玩得好開心。我地都好怕佢會整到，叫停左佢轉頭又再攪過。

玩到好眼訓又攰，就走去地席到〝嘆抖吓〞，跟住就〝再戰江湖〞。

睇下佢幾曳，前幾日自己撞落這個白色櫃攪到塊臉瘀晒都未散，而家又唔知驚做埋D危險動作，小朋友真係有用不完的精力、話唔聽。不過，以上情況都係阿B這階段會做既事，是正常和正確的。

之前成地物品我已執拾好，之後阿B又返轉頭，我以為佢又攪攪震，今次相反阿B係地下拎左支茄醬放回櫃內，但佢還未懂這種動作，加上放不對位置，所以跌回地上，之後佢索性將D物品掉晒落地，又再搗蛋。

我與阿B訓左好多次都唔得，而肥阿哥又等緊我過去，所以執好晒野就過去。見到肥阿哥隻眼都〝Dup〞晒與阿B一樣，所以肥阿哥就同阿B訓，結果一樣，唯有大家一齊玩喇！

阿B終於捱到開餐喇！初初都幾好~肯食，跟住又要自己用餐具食，到中後期就開始扭計、唔食、喊。肥阿哥係鍾意小朋友，但佢冇耐性，所以佢就話阿B幾句又輕輕拍左阿B一下，跟住阿B喊得仲勁。

阿B個個都唔跟係要去我到，雖然我未食完，但見到佢好悽涼，所以抱抱他~止喊，抱左一陣想轉人又唔得，轉人又喊，後來阿嫂抱走左阿B一陣就冇事。

吃過晚飯，我睇下隻錶原來到了阿B吃奶時間，怪唔知得扭喇！所以我就叫肥仔開奶，阿B真係好攰，不知不覺飲飲下渣住奶樽就乎乎大睡了，我與肥阿哥不停影相都唔醒。

你睇下佢對肥嘟嘟手仔、腳仔，佢腳上粒墨出世係冇架，有一日突然標出黎。其實，阿B算聽話架喇！