行街、交收、剪髮

9 November 2007

上星期開心果姐姐問我借裝備時，我地都諗住老公早上返工時拎比她，因為他與她的公司很近，但是老公拒絕了，原因是他早上返工拎住咁大個背囊坐小巴不太方便，所以我地就約好了今日交收，順便一齊吃晚飯，然後我又約埋熊貓姐姐，她返工的地方與我新居很近。今次沒有約高達叔叔，因為他放工再回家收舖很晚，他不會出來，所以冇問。

我與熊貓姐姐先到達相約的地方，而老公與開心果姐姐約好放工後一齊前來。熊貓姐姐的〝留海〞太長又不想剪少少去髮型舖，所以想買一把交剪自剪。我帶她去我買髮型用品的地方，我地在店內選擇左好耐，後來老闆給了些意見，就是老闆的一句

，熊貓姐姐就話〝嗯！我洗衣機和其他野都係貴買平用，可以用好耐〞，所以就買左把掛出黎最貴既〝九牙剪〞，熊貓姐姐還邀請我一陣幫她剪髮。

電話響起老公佢地到左，我地集合後，熊貓姐姐想去一間時裝店睇衫，因為佢朋友有折，而開心果姐姐又想行街，最後都係得熊貓姐姐買左2件外套，我與開心果姐姐沒有收穫。

今晚已講好買外賣去我地新居吃，因為拎住個背囊又重又〝阻定〞出街食好麻煩，我地選擇了是日晚餐〝肯德基〞，跟住又買左飯後甜品&〝拮〞野食。

吃過晚飯後，我就用熊貓姐姐新買的髮剪幫她剪髮，跟住大家又試下熊貓姐姐剛買的新衫和開心果姐姐之前買左改好了今日取回的新褲，我與熊貓姐姐試過這件褲後都好鍾意，所以我地就決定我地又買一條，我地相約埋明天一齊去買後她們就走了，因為熊貓姐姐明天要返工，走的時候已是9點幾。

本應可以坐耐D，我地行完街跟住去〝肯德基〞買野食，唔知點解D人做野好慢~平均5分鐘先做完一個客，攪到每條隊排晒長龍~真係可能叫外賣仲快，買完都8點幾。