BBQ作準備‧有點失望~

 

天氣轉凍

最好就係〝打邊爐〞、〝BBQ〞、食臘味、食蛇，而我地就選擇左〝BBQ〞，日子就鐵定於下星期日(2/12)。我都有叫埋肥仔一齊去，他都應承左，真係好喇！阿B都一齊去，但要返完Playgroup先來。咁樣果日小朋友就會有〝6條~Q〞，得阿B〝一條~K〞，仲要阿B係最細。

這幾日我都忙於預備通告、食物清單，將初稿send e-mail比朋友，但有時記得有野遺漏、人數又有變動又要改，我又諗下不如夾埋packing，咁到時他們就不用搵或計究竟要買邊隻、邊隻先夠用呢？一切準備就緒，預備最final時send多次e-mail比朋友，所以我爭取每一分每一秒寫Blog&預備BBQ事宜。佢地冇叫我做，但人人都要返工，相比最得閒是我，我當然自動請纓，做的時候佢地唔知，做好了才通知佢地。

今日BBQ預備工作已順利完成，時間、地點、人數已覆實和已通知有關人士。頭先叫老公通知〝高達叔叔〞時，原來我上星期日零晨5點幾第一次send SMS

通知佢睇e-mail關於BBQ，那天〝高達叔叔〞忘了關電話，點知嘈醒晒他的家人~真係唔好意思，sorry！點解晨咁早，我怕忘了，想知就可以去《阿茂工程~兩日四〝杰〞作》睇睇

！

現時市面很少有〝雞全翼〞賣，通常都是〝雞中翼〞，但〝BBQ〞我最喜愛燒〝全翼〞，有見及此我就自行醃製〝全翼〞。但係我又諗~之前睇肥媽教整〝燒鵝〞，老公又好鬼鍾意食喎！成日都想用乳鴿試整，但一直都冇幾會，所以趕今次有機會不如試整燒乳鴿喇！

我再睇下食物清單，其實要醃既野唔多，之前〝正義叔叔〞都講過有咩事可以搵佢幫手，例如：醃食物，但佢又要湊住2個女，所以我又再次自動請纓一手包辦醃食物

。我需要買一些材料醃食物

，所以尋日約了〝熊貓姐姐〞食lunch，阿B不知與〝熊貓姐姐〞幾開心丫！

我們不能太遲開始BBQ，因為那個燒烤場是沒有街燈的，加上冬天很快就入黑，但阿B要返Playgroup放2點，所以我大前日就同肥仔講佢地要自行入去，但我會在燒烤場附近的巴士站等佢地，就叫佢今日前要覆我。今日肥仔來電覆我唔去，我梗係問點解喇！

肥仔：唔去燒野食喇！

我：點解丫？

肥仔：阿B返完Playgroup可能會攰。

我：吓！

肥仔：佢次次返完Playgroup都攰，費事佢又扭計。

夜晚娣婦回來我話肥仔唔去BBQ喇！她~哦！現在大風&果日怕會好凍。她意思是怕阿B會凍病和阿B隻眼仔未完全康復，咁又係阿B病左又好煩架喇！但係我就有D失望

，我未同阿B去過BBQ，同埋有咁多小朋友一齊玩

，果到又有遊樂場，不過，我失望好過阿B病。

我會係星期五係家中醃晒所有野，因為家中設備齊全過老公屋企，另一個原因係星期六家中停電梯，而肥仔要〝Annual Dinner〞，所以我提意一早上去湊阿B等娣婦放工接阿B，再可以回娘家吃飯。

我心情好緊張怕醃得唔好吃，同埋引入左D特別BBQ食物既做法與食法，這些食譜都是在前年找到，又係一直沒有機會試，所以又怕唔好吃，我既心情就好似〝小學生〞去旅行咁‧‧‧！好似當朋友們係白老鼠咁，但係有好野梗係一齊試喇！我諗佢地都唔會介意既。