來一客〝碗仔翅〞(馬蹄粉版)

之前整〝馬蹄糕〞用剩一盒〝馬蹄粉〞，我見自己一來好耐都冇煮〝碗仔翅〞、二來阿婆又鍾意食、三來我地Teatime又可食不用諗吃什麼〝一舉三得、何樂而不為〞。

前日晚已浸定冬菇，尋日早上回家前去左街市買埋〝木耳〞&〝粉絲〞，阿婆就買埋瘦肉~攪掂。將所有材料放入鍋內~除粉絲，煮煮下好似材料唔夠又再加D，終於煮好喇！不過，老公話料多得滯，這次係好忙碌之下完成，點解咁講？咪就係最衰Yahoo囉(我想食人丫~)，又同阿B行街街，好在有阿婆幫手，其實阿婆除左係我〝忠心番薯〞外，還是我的好幫手，阿婆多謝你！

我夜晚仲打包左2盒走，一盒拿回去與老公〝牚枱腳〞，另一盒拎比肥阿哥&阿嫂食，我仲叫老公放工買支醋，倒起左D比肥阿哥，我地3兄弟姊妹都好喜歡呷醋~哈哈！

今朝老公從雪櫃拎出黎話〝咁稠既〞，我就講解比老公聽。梗係喇！因為我今次用〝馬蹄粉〞，平時用〝生粉〞會越煮越稠，跟住你攪得多又會出水，〝馬蹄粉〞就唔同凍既時候會稠，熱既時候會〝希〞，但又唔會出水，這就是〝馬蹄粉〞買得貴，而且又貴過〝生粉〞的原因。弊！忘了同阿嫂講解，快D打比佢先，點知阿嫂知道，因為肥阿哥尋晚已〝叮〞左黎食。