阿茂工程~兩日四〝杰〞作

23 November 2007

今日唔舒服睇跌打、食藥，跟住睡左一陣好D，我一早安排好這幾天要焗的東西，我預備今晚整〝Oreo雙層藍莓芝士慕士〞，跟住明天整〝唧花曲奇〞、〝牛油皮蛋撻〞拎回家和肥阿哥家，然後明天整〝椰茸檳〞回家吃飯時拎回去的。

晚上7點幾正當我開始整蛋糕時，老公就剛買了〝燒味飯〞回來做晚餐。我叫老公去洗白白先，然後我整蛋糕底再雪入雪櫃內，再到我洗白白，跟住我地就開餐，之後要努力工作。

我整好餅底又整好芝士餡，但係要待涼再入雪櫃，我不想浪費這段時間，所以我就去整曲奇，足知攪到3點幾才完成這兩項工程，但我仲未睡，因為我想整埋12月2日與朋友BBQ聚會的日程表，將所有野都做完已約早上6點，跟住我就去睡。

24 November 2007

今日早上約6點訓，然後8點幾已醒左，但我嘗試迫自己再睡都係不成功，所以我係床〝典〞到約9點就起身。雖然，睡得不多，可是我一點倦意也沒有。今日計劃有變，因為〝唧花曲奇〞已完成，所以一陣會整〝椰茸檳〞，再到〝牛油皮蛋撻〞，咁明天時間就會鬆動些。

我梳洗完就開始動工，今次2個工程我整到5點幾才完成，其實我整完好耐，但成日都要等焗完第一盤後再可以焗第二、第三‧‧‧盤，有時D模又不夠，好似蛋撻模原本4個，但經過上次整過蛋撻後，現在曾加至8個，但我都係覺得不夠，我已與老公講左再買多幾個。中途2點幾停左一陣吃第一餐是吃下午茶餐，因為等老公起身睇下吃咩，期間肥仔都來電幾次問我地幾時上去。

在搭車去肥阿哥家時可能係車上沒有野做，所以開始有D眼訓，去到肥阿哥家又冇野喇喎！