好乖喎！

每日阿B會睡1、2次，第一次早上11、12點，第二次下午3-6點或者早上唔訓，在下午睡一次，跟住夜晚就一覺到天光。

今日我返到去阿B已經起左身，朝早阿公抱住阿B食藥&滴眼藥水，之後冇扭計仲肯比阿公抱住很少見的，跟住又要落地趴係阿公大脾上面。

但到了第一轉的睡眠時間都唔肯訓，同佢入房睡上左床一陣又要出廳(幾次)。唯有食完午餐再試。阿B又唔肯食粥、飯，唯有開多4安奶，等佢食完訓，點知食完都唔得，我就唔埋佢，因為星期六買左條褲太長要挑短褲腳，我就由佢自由活動。

提外話：

唔好以為我好叻，我改褲腳好簡單，除牛仔褲外，全部都係我自己挑短褲腳，我只是將褲腳多餘的摺上去，然後挑短就係咁簡單。可能會問我唔駛跟住個型修改咩？不用，每次都是這樣改，但沒有人發現。

我係餐枱改褲，阿B玩玩下趴底係我身後既米奇地墊上，我間中擰轉頭睇下佢，佢初時都係張開眼望住我，後來隻眼仔開始〝Dup下Dup下〞

，不知不覺間訓左喇！唔駛人陪都訓左，佢真係眼訓到暈。

不過，頭先阿B係吃奶中場休息玩時撞落張餐櫈到，個人中擦損紅左。今日阿B〝跌跌、碰碰、撞撞〞好多次，所以我地好怕佢眼訓，每次眼訓都出事。