口爽爽、大隻廣

每次在街上見到年紀比較大些的人好辛苦推著好大車紙皮，又或是見到有人在垃圾桶摷野，我都會諗我將來會不會好似他們一樣

，老左冇人埋，跟住我就同自己講：「嗯！我要唔好咁大洗~要慳、儲錢。」，但每次都係得個講字，沒有一次能做得到。

尋日睇電視又勾起這念頭，在新聞中見到有個男人話一袋麵包$9食2日，我很訝異

！老公話之前報紙有講過：「9蚊2袋麵包一家人食2日，仲要係天水圍用45分鐘行出元朗買。」我問：「新聞幾時架？行出去元朗好遠架喎，同埋D路好難行。」，我即刻去搵〝蘋果〞報紙睇下。

住在天水圍天耀邨、妻子有情緒問題、七年來一家四口每日只以每袋4.5元的減價麵包充飢‧‧‧上周三向勞工及福利局局長張建宗泣訴苦況的送外賣工人封先生，其家境與上月中爆出倫常慘劇的家庭極相似。苦日子裏他堅拒申領綜援，曾做過隱蔽家庭、發生家暴事件也無人知，幸好近月終找到工作解困。一個天水圍，隠藏着不知幾多個像封先生這樣的悽慘家庭。

年逾50歲的封先生是第一代天水圍公屋居民，「當時貪呢度啲樓靚，冇後悔過搬入嚟」。他失業前在公益金前主席余錦基下的公司打工，負責推銷染料，月入逾一萬元。「當時諗住做到退休」，誰料2000年公司裁員，以47歲「高齡」困在圍城，搵工連番碰釘。

拿着十多萬元遣散費，辛辛苦苦捱足七年。沒有半點入息，他竟可多年來未欠過房署租金、沒欠下任何借貸。他邊哭邊各記者憶述，當時每晚一個人由天水圍步行45分鐘到元朗，等到晚上8時向麵包舖買9元兩袋的減價麵包，這就是一家人兩天的食糧。「有時會去吓裕記買五蚊幾包硯殼粉，早餐、午餐唔食，等夜啲先開餐。」

妻子有情緒問題，兩個兒子中五畢業數年也找不到工作。封先生說，曾有段日子變成了隠蔽家庭，「可以成家十幾日冇出街」。貧賤夫妻百事袞，他曾因家庭糾紛向妻子動粗，結果要報警求助，「成家人送晒去屯門醫院」。要出外找工，又要兼顧家頭細務，一個人男人常常在家裏飲泣。

好數月前他終於苦盡甘來，在元朗的餐廳找到送外賣工作、孻子上月也得到實習機會。「依家最大心願係連個大仔都可以盡快搵到工」。他另一個心願是警察「唔好趕得咁絕」，因他踏單車送外賣，日薪僅得150元，一張告票，足以令他白做兩日。