老公好想‧‧‧

我以前會不定期去行山

、露營，有好多戶外活動，所以我買左張地席，但買完之後都冇用過，因為識左老公，其他裝備肥阿哥有。自從與老公一齊後都好少戶，只是去過2次行出，而老公咁大個仔一次露營都未去過。

今年有一次朋友攪聚會去睇〝流星雨〞

，記得上次睇〝流星雨〞係好多年前，我都未識老公，可是那次在我的地區是看不到。今次有幾會再睇，仲要同老公一齊睇更係開心喇

！我們還借齊裝備，奈何那日太多雲在前一日已取消了，老公好失望

。跟住上個月有朋友假期又攪去露營，我一聽到已想去，但我要問了老公後才回覆他，老公都好想去無奈地

假期要返工，只好推掉了。

上星期與熊貓姐姐和心姐姐通電，開心姐姐問我：「今個星期六我與班朋友一齊去露營，你去唔去？」，我想去但不能，今個星期日是我一個要好的朋友仔結婚

，所以我都推掉了。我不能去就將我的地席與老公的背囊借給開心果姐姐，再問肥阿哥借埋其他裝備，集齊一套，就在預約好了的日字明天交收，順便吃晚飯。

晚飯前肥阿哥打黎叫肥仔一陣過去打機，吃過晚飯後就一齊過去，之後回到家，我見老公將地席、睡袋和Cook Set左砌右砌放入個背囊到，佢一邊整一邊又同我講‧‧‧

老公：張地席唔可以放係背囊底下。

我：放唔到咩？

老公：D野放晒入去背囊冇咩位。

我：佢應該唔係有好多野擺。

老公：地席放係頂會好阻〝訂〞。

我：擺側邊唔得咩？可以擺係側邊架。

然後，老公又〝這樣、那樣〞，又將個背囊孭上身試下，我問老公：「係咪好想去？」，老公問：「你點解咁講？」，我見你好積極，你平時都唔係咁，〝十足十〞一個小學生去旅行。

老公唔緊要喇！實有機會去既，只要你想。