成班老餅回到年青時~

今日零晨3點幾回家，跟住4點幾先睡，今朝8點幾醒左迫自己睡多陣，到9點起身就check e-mail

，收到facebook有massage入去睇，因為我還未研究點用，所以又花左一D時間，之後又整下野，攪到而家先開始寫返尋晚既事。

很久沒試過這樣，真的玩得很開心

，好像反回以前一樣，多麼美好

！

16 November 2007

星期日，晚上與熊貓姐姐通電售貨員已有聯絡了她~條褲貨倉有貨，但未有咁快拎到。

星期四，我與熊貓姐姐又通電看看售貨員有冇消息。

熊貓姐姐：尋日打左黎有貨，可以隨時去拎。

我：咁你幾時去拎？

熊貓姐姐：我都未知。

我：咁你去拎的話叫埋我，一齊去睇下。

今日下午熊貓姐姐打黎想拎褲，就問我去唔去，不過她說可以自己一個去，但頭先娣婦打來放工與阿B去覆診睇眼仔，在2件事中我選擇了熊貓姐姐，因為我可以等到娣婦回來帶阿B去才出街，加上有肥仔陪她應該冇問題。熊貓姐姐方面我怕再有問題，所以我預備帶埋自己條褲一齊去，有咩問題可以拎出黎對比一下。我覺得條褲唔值呢個價，因為我尋日挑好褲腳後，發現有好多線頭未剪，還有一些地方冇閘骨，車功又麻麻

，我買幾十蚊件衫都唔駛自己剪線頭喇！但係取褲後我可以去買尋日睇到Blog友買左好抵既〝唧花咀〞~good！

掛線後我在想，不如今晚約埋其他人一齊食飯，不過好似唱K好D喎

！跟手我就約老公、熊貓姐姐、開心果姐姐、同屋住一家4口，我還叫老公幫我約高達叔叔，食完飯去唱K，但開心果姐姐要遲些到~工作忙

。我有4大原因支持今晚活動：

1. 老公今晚有公司客請食飯，但佢食完飯會黎K。


2. 我都出左街，又要食飯，不如叫多D人熱鬧D。


3. 尋晚老公與同屋住、高達叔叔食飯，傾到好夜，因為老公今早要返大陸，唔係仲夜，我覺得佢地好似意猶未盡，再比機會佢地聚聚。


4. 我地成班人好耐都冇一齊唱K，每次去都唔人齊。

熊貓姐姐拎褲前要先去拎

，因為她在網上Bid左，但後來賣家改左地點和時間，所以我地拎完褲就再去拎票，當然沒有拿出我的褲作對比，因為沒問題。

雖然，取褲、取票、買唧咀很近，但係賣家遲到~時間不夠，冇買。頭先等賣家時發生左少少野，令我感到有少少開心又攪笑。

我與熊貓姐姐在地鐵閘外等待賣家，突然從我身後有2把女聲，轉頭一看心想唔通佢地就係買家，原來她們是

邀請我地星期日去她們的佈道會，佢地仲話我地似學生，但我話可能隨時我地都大過你地，後來知道我結了婚仲訝異，不過都幾開心話我似學生，我除左去旅行才有人覺得我似學生，在香港都未試過，可能熊貓姐姐樣後生，我才可以

光。

大家都齊集後，唔知食乜後來同屋住提意去酒樓叫餸食飯，我諗起附近有間〝明星〞上次去過打邊爐又不是太多人就提意去，熊貓姐姐話9點後有特價小菜。

今次與上次打邊爐不同酒樓內有好多人，可能是星期五的關係。睇下有咩食先，還未點菜開心果姐姐已到達，我地叫左3個小食、6個菜。

小吃：好惹味泰式鳳爪、夠薑沙薑雞翼、鴨毛鴨下巴

菜單：醎味爉味炒芥蘭、家常蒜泥白菜仔、血紅紅生炒骨、糕糕炒蟹、普通蜜糖茄子牛仔骨煲、少雞芋頭雞煲

我地碗飯都未食完伙計已話餸菜齊晒，但我地提問還有2個煲未黎，她幫我地查單後漏單，之後補回，到結賬時還計多了我們一個茶錢，我地上黎時已與脂客說了有2個是小朋友，但她當埋一個大人，我地與經理相討完就扣減了。

我地去到唱K時已11點幾，帶房的職員說：「12點鐘有宵夜Buffet。」，我們還唱不夠10首歌老公己到，初時點選兒歌給小朋友，但佢地都唔聽掛住打機，跟住輪到大人都沒有什麼特別，因為同屋住尋日夜訓今早又早起，所以坐埋左一邊想睡。當唱

這首歌代表左我地既年代

，令到情緒

與氣氛一度高漲

，跟住同屋住叫高達叔叔一齊去買酒上黎飲，點知佢地買威士忌&綠茶溝黎飲

，老公唔飲，得佢地2個飲，我見咁高興、又好耐冇飲，所以我都加入一齊飲，之後老公又加入，同屋住飲完一支都唔夠喉，再去買多支一齊飲，我當然

~最緊要開心

。

之後見同屋住老婆沒精打采地抱住睡了的細女

，究竟是什麼事呢？在我唱歌的時間聽得不太清楚他們說：「她是喝了一口還是一杯酒。」，哦！原來如此，因為她從不喝酒，也不懂喝酒，可能是高興所至喝酒~咁難道是醉了

？雖然，是加了綠茶，但對不是喝酒的人來說飲多或少都會醉的。

我們約零晨3點離開，因為熊貓姐姐說要走了，在離開前我與同屋住都call的士，其他人住得很近有車回家。我們紛紛落樓梯，開心果姐姐扶住同屋住老婆，我見到她可能是

了

，

，好像有點兒

，而她的老公抱住已睡的細女。由於開心果姐姐家是在附近，一陣坐的士回家都不用跳錶，所以她扶住同屋住老婆直到他們有車，再等埋我與老公上車才上車回家。