蝗蟲：耍樂、懷舊小食、晚飯

今日聚會是耍樂，原本是BBQ，但其中一個朋友唔想BBQ，咁我地唯一活動就係耍樂，這些都是朋友的盆栽，另一個朋友家中都有好多盆栽就問我要唔要？我要丫！但要等派屋後，放係新屋到〝綠化家居〞，你預留一盆比我先喇！

大家閒談後開始耍樂，所有我老公與屋主老公睡了，因為這班朋友每次都係女仕耍樂的，在耍樂尾聲男仕們睡醒了，他們落場，輪到我與屋主傾計，講下整野食、睇下相、食下野。

其中一個朋友話我地好似蝗蟲(包括佢自己)，因為我地將她覺得唔好吃和不吃的全部吃光，這個朱古力脆米餅是她一個人吃不完沒開，而家我地係到有機會開黎食喇！她老公與我老公一樣不太喜愛吃零食。

吃完又睇下佢老公既fish，我都有比肥阿哥fish相佢睇，佢地一望就話個魚缸有40幾寸，我真係唔知肥阿哥個魚缸幾大，但我唔覺有40幾寸咁大喎！剛好阿嫂打黎問肥阿哥探熱98.7度有冇熱？有，但係少少燒，好輕微。屋主老公個魚缸底有隻我覺得似龜的物體，睇相唔似，但睇實物我覺得似。

在耍樂時已相討好食〝上海菜〞，但這間店的小籠包、沙鍋雲吞雞的雲吞和鍋貼的肉餡都好〝鞋〞，同埋唔知點解〝南京排骨〞甜甜地？最好吃就是〝西檸雞〞皮脆~正。