兩姑嫂攜手合作~來一客肥牛烏冬

上星期已知今日

要回鄉飲明天先回來，因此肥仔明天放假，所以我就提意今晚去肥阿哥家開餐，但是我常常忘了打電話詢問肥阿哥，尋日早上回家途中係巴士上見到肥阿哥與阿嫂剛步出大堂門口，落車後我就打左2次比阿嫂，但沒有接聽

，我就朝住佢地既方向行去，一邊行一邊再打，終於接聽，講左幾句閒話大家都見到面就掛線，梗係當面問喇！佢地冇問題。今日阿B係肥阿哥家扭計，咕得好勁〝學大個、眼訓、扭計〞。

今日早上11點幾打比肥阿哥，但佢太忙一陣覆我，我一句說話都沒說，便要掛線，之後約下午2點阿嫂來電。

阿嫂：今晚係咪過黎？

我：係丫~

阿嫂：咁食乜？

我：可以煮烏冬~快丫麻！可以湯或炒都得。

阿嫂：好丫~

我：咁煮湯烏冬加肥牛、金菇~快D！咁我一陣過去之前去〝惠康〞買埋野。

阿嫂：咁要唔要買小食，例如：雞‧‧‧

我：唔駛喇！雞~〝惠康〞有得買。

阿嫂：哦！唔係~肯得基果D。

我：我都唔知。

阿嫂：咁你一陣要就打比我，等我去買。

我：我11點幾打過肥阿哥，但佢好忙話覆我到而家都未覆。

阿嫂：係丫~佢朝早多野做D，你一陣打比佢。

我：咁我而家打得唔得？

阿嫂：得~

掛線後打比肥阿哥，叫佢放工回到家就通知我，我才過去。突然，電話響起當時約3點50-55分鐘是肥阿哥~他回到家。

我：咁早既？

肥阿哥：係丫！你幾點過黎？

我：阿B剛痾左臭臭要攪掂先。

幫阿B清潔完，再執阿B裝備、幫阿B著衫、鞋，我又要換衫、執自己個袋，因為我冇諗到咁早架麻！跟住4點半肥阿哥又來電。

肥阿哥：你幾時過黎？

我：而家出門口。

肥阿哥：快D啦！我好眼睏想訓，但要等埋你黎先。

我：你食唔食野？

肥阿哥：唔食喇！

我好肚餓買左隻炸脾，另外買左2串燒買比阿B&肥阿哥，阿B當然沒有落調味料。我洗好配料、煲定水略略調味，等全部人回來就煮得。記起阿嫂問過要唔要添加小吃，於是我就打電話比肥仔，最後每人要左一件雞，阿嫂仲記得買多個薯茸比阿B添丫！姊婦都買左D小吃在晚餐前吃。

今次係我與阿嫂攜手合作

，我叫阿嫂加左D汁做湯底，這支汁可以做冷麵或烏冬湯底的，雖然，到食時我地會再自行加〝美極〞、〝Tabasco〞，但有少少味好D既，色都靚D喇！

由於我的筷子功唔掂，所以後期製作請阿嫂出手，再滾熟埋肥牛~攪掂。阿B與我地一齊開餐

，但因為眼訓，，所以扭計，之後食食下奶就訓左。之後肥仔來電~阿B明天要去打〝流感針〞，所以明天會好忙。