景福宮@觀塘

尋日與同屋住慶祝生日，大家一齊吃個晚飯，原本諗住去大排檔吃，但同屋住怕近做節既日子會人多，所以就否定左，咁提意韓燒、放題‧‧‧。

後來我搭車經過見到〝景福宮~日韓燒烤〞，上網睇過係放題，所以就打去訂位，而且生日前後7日都會送一個蛋糕，當然要訂位時講明喇！

這裡的爐是燒和火鍋一齊，與平常一樣中間燒烤，但就唔會比油你燒，即係乾燒，而且盛油的地方變闊左，然後就加湯係果到烚野食，因為食物冇乜特別，來來去去都係果D，所以冇影相，連個爐都忘記影。大家都不會再來第二次，整體感覺唔好。

我整既蛋糕食晒，大家都係覺得甜，而送的不是蛋糕是批，這個批係食物區都有，唯有唔同就係裝飾靚好多，食物區的批面有幾塊檸檬而矣。

食完飯熊貓走先，然後我、老公、高達、開心果和同屋住一家去左打桌球，小朋友都一樣入得，女仕們就傾下，男士就打球，都打到零晨3點幾。

一直以為個批入面個蛋糕，但食落好似係蛋白打成既物體，不過，都係一樣唔好食，可能係蛋糕都好D。