無聊行街

尋日我4點幾去荃灣剪頭髮，剪完就諗住約熊貓姐姐食晚飯，但我與她聯絡不上，所以就自己買野食回家。

今日我有事要問熊貓姐姐，就打比佢順便約佢食晚飯。我早到左，所以就上左〝二德惠〞行下，行下就緊有收穫喇！

我諗住帶熊貓姐姐去〝嘉樂冰廳〞試下，佢話雜誌都有介紹過，但食物唔係好特別，唯一特別係樣樣都大大件。

我地7點幾去到已經拉晒閘收左工，臨時臨急又諗唔到食乜，我腦內一閃之前熊貓姐姐個同事話前面有間食麵唔錯，所以就去果到喇！

舖內冷氣不足，感覺包熱氣包住，食緊時汗不斷在身上爬行，我不能飲凍飲，水樽又忘記加水，所以只係叫左小辣，而熊貓姐姐吃乾撈薯粉，比起我吃湯米線舒服得多，最後我都擋不住熱力，叫左罐唔凍既飲品。

店舖雖小和冷氣不足，但碗麵大大碗，又夠酸，而且油菜又好味，我諗可能要等冬天老公先會陪我去吃，因為咁熱佢會頂唔住。

熊貓姐姐睇書附近有即撞豆腐花，但碗野太多佢都吃不完，所以就打消了這念頭。我地轉移目標行下街消化一下，萬無目的周圍行，好似無聊地打發時間。

我地尾站去左〝千色店〞，係〝千色店〞又見到手作仔走埋去睇下，熊貓姐姐話朱古力靚，佢買左我就幫佢整，而我就買左蛋糕。之後再去家品部睇，我地一睇就睇到人地收舖都唔知，走既時間職門企晒係門口等，但我地都未係最後，因為入面仲有幾個客。