老婆餅

我好鍾意食〝老婆餅〞，一直都好想整，但又冇食譜，有次見到Blog友仔〝adaw〞整得好靚、好羨慕。

今日我又挑起懶筋動手做左10個，因為唔夠分，所以我等老公回來叫佢試食，自己偷食一啖仔，夜唔敢食咁多。

我成日都以為好難整，原來好易，今次本想整double份量，但材料唔夠，有時間又要去入貨，仲有D材料又冇，所以豬油用〝固體菜油〞代替。因我唔常煮餸，生油冇乜，用左〝橄欖油〞代替，遲D搬左我會日日煮飯架喇！

我與老公都覺得好味，但老公就覺得餡多左D，少D會更加好，真係要多謝Blog友仔〝adaw〞比個食譜我。