小肥牛@大圍

前兩日同屋住約我與老公食晚飯，但我地有事不能去，所以就改為今晚，再約埋其他朋友一齊共聚晚餐。大家都相討吃什麼？最後決定去太子〝小肥牛〞打邊爐，由於太子full booking，所以就轉左地點去大圍。

今日4點我要去針灸，跟住就坐火車去沙田，與熊貓姐姐會合行街，再等埋開心果姐姐就一齊坐的士去〝小肥羊〞，其他人就各自去。

我地人多有兩個爐，所以可以有2個湯底，但是有4個小朋友，所以冇叫到麻辣湯底，就order左〝花雕藥用湯底〞和〝番茄薯仔牛腩湯底〞。今次我不是每樣都有影，只係影特別的。

螺片刺身：咬落好似鮑魚，好味。

生牛肉刺身：牛肉太薄，所以都唔知咩味。食既時間夾埋白色一絲絲洋蔥吃，但我唔吃生洋蔥，齋吃牛肉。

炸腐皮：烚一幾下就要吃，又香又好味，吃時有好香既油炸味，但不敢多吃，因為炸過都好肥。

花雕肥牛：好香花雕味，肉質有D〝鞋〞，但烚完仍有花雕味。

蝦滑、墨魚滑：用兩個雪糕杯裝好得意，我對手打冇興趣，但蝦滑平時冇見過，就試左兩舊，但有點兒〝腥〞。

手打蝦丸包鵝肝：冇乜特別，唔覺似鵝肝。

我諗住整D伴手禮比小朋友們，所以尋日整〝椰子岩餅乾〞可惜失敗左，好在〝椰子岩餅乾〞只係用蛋白，餘下的蛋黃我就整左〝圈圈餅乾〞，都有野送比小朋友們。