今早8點就自動彈起身，左邊肩頸痛完到右邊互相交替，它們沒有一日是不痛。
我做返每星期的指定動作就係幫我部Notebook和老公部電腦掃毒、掃廣告、重組電腦，但係執機前我要睇下2部電腦有咩可以Delete，因為2部都好慢。跟住又整Blog 個Background、去睇其他Blog友的Blog，但個頭又開始痛。
約11點幾雙眼開始睇野唔清楚，有好多白光又蒙，但我仍然努力工作。我係1點幾覺得肚餓吃左一個〝合味道杯麵〞，老公突然爭開眼問左我幾次：「你唔叫醒我既？」，我一句都冇答佢，但係我係自己個心答左佢，我唔係嬲佢，而係唔知講點講好，同埋又好唔舒服。
我唔叫佢原因係佢平時返工訓得少，尋日又要早起去〝老公迪士尼~公司Outing〞好似返工咁，咪等佢訓耐D，試問我點忍心叫佢丫！佢問完我咪又訓過，平時放假我都係捱到我頂唔到才叫佢起陪我去食野，有時叫佢佢都會發脾氣架！一係等佢自動起身才去食野。
跟住我吃多一粒〝長效〞，因為我等2部機執完就去訓一陣，但係捱到2點幾終於頂唔住，我寫低左張紙比老公，若果佢起身早過我就幫我關機。我碌左好耐才訓著，老公係3點幾就起身，點解我會知？我地好似相連咁，佢一起身我就感覺到，我爭開眼就見佢坐係床邊，都係唔舒服，我想再訓，但碌極都訓唔著。
老公走過嚟問我食咩？你想食炸雞脾定買飯？我都唔知，我想買2個飯糰一陣食，咁你而家想食咩？唔知丫！老公又問我係咪好痛，然後幫我按摩肩頸，整左幾野就叫佢唔好整，因為老公手指冇力，費事佢整到攰~徙勞冇功，老公不肯吧休，更加努力，平時佢已經停手，可能佢見我今日好乖冇叫佢起身所至。
左邊：雞串、右邊：肉鬆
我幫老公寫好禮封做人請，跟住去買飯糰，老公想去〝大家樂〞睇下有咩食，肥阿哥來電。
肥阿哥：你去唔去佢到？
我：唔去喇！
肥阿哥：我地而家玩緊Wii塊野。
我：我唔舒服，唔去喇！
肥阿哥：又唔舒服？
我：係丫！
之前肥仔都有來電問，我都答左唔去。去到老公昅到有〝公司三文治餐〞，這個餐第一次見這裡有得賣，老公立即比錢我去買先，因為會好怏賣晒，最後老公買左〝蜜汁雞脾餐〞，本來老公按完好D，等外賣太耐坐坐下又開始好痛。
行緊返去先記起Blog友~Grace話下次再痛試下食〝黑朱古力〞應該可以舒緩痛楚，算唔想行返轉頭買，下次要記住先。我問老公明晚吃咩？因為明天阿B約左9:00去做Test~娣婦放假、肥仔返晏，但我都會同佢地一齊去既，但要係8點前回到家與肥仔佢地集合。我明天去做完Test就會回老公家。老公話明天宰牛，叫我明天早D去買咪有靚牛囉！
食緊野時，老公有個舊同事打黎去唔到飲，他剛踢波弄傷腳，叫老公幫佢封人請，我緊係幫佢寫埋禮封喇！大家咁熟。
原本諗住食左2個飯糰唔夠就食呢D，不過掛住整野唔記得左。
11點鬆D老公才散席，老公問我食唔食野，因為我只吃了2個飯糰，佢知我會肚餓，我唔想佢兜個圈才買到〝麥麥〞，所以我話不用，老公堅持買比我吃。
佢仲幫我個包走〝生菜〞，我奇怪點解咁多年而家先走以前冇？原來佢都係剛剛知可以咁做，真係丫！不過，老公不喜歡吃〝麥麥〞唔知都唔出奇既。嗯！好sweet丫
沒有留言:
發佈留言