今日真係大~大~大~日子，點解咁講？今日阿媽舊歷生日、娣婦新歷生日、預早做冬，俗語話『冬大過年』，加埋係咪大日子呢。
老公上網bid左架〝K18~九廣鐵路接駁巴士〞，我地交收完又吃埋野就去肥阿哥家玩〝Wii Fit〞，玩過之前Wii既game我覺得這隻game最好玩，但係每次就得一個人玩，要轉人就要登出一個，再登入另一個，其他人就會悶D囉！
〝Wii Fit〞人物身型係跟你真人資料而建立，左邊開始：我、肥仔、阿嫂、肥阿哥、阿B、娣婦、老公，雖然不太清楚，但都好明顯邊個肥邊個嫂喇！
今晚食飯既地方招牌菜係〝雞〞，在店內有好多人，平時都不是這樣，但今日大多都係同我地一樣提早〝做冬〞。我都係剛好坐低肥阿哥迅雷不及掩耳就叫左個套餐，快到丫~！餸都好快到，我地未食完又嚟另一碟，雖然，我地有10個大人，都食唔晒D餸。
霸王花湯
乳豬併盤
白灼蝦
奇香雞
一魚2食：石班炒西蘭花、蒸石骨
花枝帶子炒西芹
小籠包
蟹肉扒豆苗
好正呀d''送''.....!好想食呀!!
回覆刪除[版主回覆12/18/2007 07:16:00]係丫！D餸味道不錯，但係冇得食西蘭花，因為我唔食魚的。
補祝返伯有生日快樂, 身體健康, 另外麻煩你幫我補祝你弟婦生日快樂, 一樣係身體健康, 同埋青春常註, 你話係天水圍O既表姐, 哈..我諗佢知我係邊個O既!!!
回覆刪除[版主回覆12/18/2007 14:01:00]當然冇問題喇~我代佢地多謝你先！我之前都有同佢講過，佢應該知道你是誰。
哈...唔該哂. 我都好耐無見過佢. 可能下次又會O係葵芳撞到佢.
回覆刪除