完美主義者‧不是孤單渡過

之前以為今日要一個人渡過，因為老公要去〝老公迪士尼~公司Outing〞，但係老公係老闆走時，佢又閃人，約4點就回來陪我，然後去肥阿哥到。其實，老公不喜歡去〝迪士尼〞，佢之前去係因為我鍾意，佢係迫於無奈要陪我啫，比佢簡佢情願去〝海洋公園〞。

前排只管寫Blog都冇晒時間，所以冇去到其他Blog友到睇Blog。今日我又整好Banner，我諗明天可以去其他Blog友到逛逛~我嚟喇！

今早8點就與老公去吃早餐，吃完老公就去〝老公迪士尼~公司Outing〞，跟住我就繼續整Blog既Banner，我尋日開始搜尋&Download〝花師奶〞既圖，跟住今朝再繼續，我total Download左336幅圖，然後就將D圖併併貼貼，睇下邊一幅係最好，我係一個〝完美主義者〞每一樣野都要係最靚最好，所以好多時都要花好多時間係一樣野上面。

這是我的午餐，味道不錯，不過娣婦話最好吃的是〝星洲炒米〞，但尋日〝惠康〞冇，吃完再努力工作先，終於係老公回來前攪掂。

尋日肥仔、阿嫂都有問我過唔過去，我話要整野睇下整成點先決定，咪就係要整Banner囉！同埋執下屋。肥仔係我剛整好Banner打黎問我點？我話等埋老公先，佢返緊嚟。

約4點老公返到，我問佢，佢又問我過唔過去，最後都係去。去到晚餐都係食烏冬，頭先去〝惠康〞買左好多餸，返到去才記起尋日拎左盒〝混醬車仔餸 (內附食譜)〞，所以有一包水餃冇煮，其他煮幾多我地全部都食晒。

頭先係肥阿哥到一齊睇左〝哈利波特5~鳳凰會的密令〞，我想睇好耐，但老公冇興趣，剛才佢睇睇下都訓左。

我地走時老公才發現電話有miss call，因為頭先佢訓左丫麻！係佢同事約佢明天去飲的集合時間。