孤獨假期

早在大半個月前老公講過今個星期六公司會去〝迪士尼〞一天遊

，但未買入場卷，咁即係未算係去喇！我諗諗下~老公星期日又要去飲宴喎！咁咪連續2日都唔可以陪我囉！嗚~嗚~嗚~我要孤獨一人

，唯有乖乖留在家中執屋

等老公回來。

老公不太願意去〝迪士尼〞，他說好像返工一樣，但不止他一人連其他同事都不想去。老公有個友好同事來電通知他不要說不去，因為有一個同事想唔去咋！老闆聽到立即〝插〞

當場暴斃，至多去到再想辦法閃人。

老公剛來電公司已買左入場卷，當日得老闆一個日本人，一係佢帶隊、一係佢就跟住佢地，其實兩者都冇分別。之前以為大陸既日本人都會來，但原來係唔會嚟，因為佢地上面都會攪同一類既活動，結論就係可能冇得閃走。

其實，這間公司是一間日本公司，總公司係日本，係其他國家都有分公司，以前這公司是不錯，但自從這個老闆接手後，就攪到大家都由雄心壯志做到對這間公司沒有歸屬感，個個都做得唔開心。

他是日本人由日本派來的，日本公司緊係用返日本人喇！這是他們的特式，他懂得耍手段、攪分化、人品又〝狗〞、不知人善任、做事不深思熟慮，成日都要難為員工去遷就個客，有錯就〝插〞到暈，從來都唔會讚。

老公辛苦你喇！你忍耐多一陣，我就快可以幫輕你。