丈丈放假公園去‧驚險

原本老公今日放假是有要事做，但事情有變取消左，所以可以陪我，但阿B又冇人湊，於是今早老公就與我一齊去湊阿B回家。之前我都問老公會唔會帶阿B去街街，老公話下午帶佢去公園玩。

上去接阿B既時候佢已經沒精打采~好眼訓，在回家前去左〝麥麥〞買左一個餐比自己，因為老公唔肚餓，等一陣訓醒才吃。老公係門外說：「阿B入到去覺豬。」，我話：「佢入到去唔駛訓，實周圍攪攪震。」，意料中事入到屋一陣佢就四出搜索、搗亂、破壞，簡直係一個〝破壞王〞。

老公與阿B一齊訓，今次有帶阿B專用既〝臭屎被〞訓左約3小時，仲要好快就訓著添！諗起上一次冇拎〝臭屎被〞就慘喇！攪左好耐先訓，但訓得1個鐘。等到佢地醒左之後，我地就去街街食野，然後去公園玩。

到達公園玩後半個鐘肥仔就來電，他將會黎join我地。阿B去到行入去滑梯組合到已經滑腳跌左係地，因為佢今日對腳係唔食地的，果個入口又有少少斜，跌到塊臉又瘀左。

阿B不斷係滑梯到爬上滑落，玩完呢到又走去另一到再玩。

行行下唔肯坐係地，後來有個小朋友玩一個吊索的物體，在滑行的時候會發出聲響，阿B聽到後立即〝哈哈大笑〞！

等小朋友玩完肥仔又抱阿B玩，睇下佢笑到‧‧‧

當老公去左〝殊殊〞阿B做左一D比之前仲危險野，我跟住阿B係滑梯組合上周圍行，而肥仔係地上，原本阿B上左一級係向行，忽然掉頭落去，我當然照做喇！我轉身時他已行到去滑梯到，我怕佢有危險就問：「點落架？坐坐先。」，佢就已經好似行平地一樣落緊滑梯，我即時跨前一大步，然後伸長手去捉住佢，我采手長剛剛扯住佢件衫~真係嚇死我。平時係屋企爬落時見佢冇轉身趴下落好似大人咁落，我見佢做錯又危險就會說：「咁落架咩？我教你點落架？」，佢就會用返正確方法落地。

我和老公初初都推左佢幾下，後來老公話唔駛推，佢自己識。我停手睇下，真係喎！佢識得自己前後郁來令到〝千揪〞搖盪~醒目。

我地就等埋娣婦一齊食飯，我地經過麵包舖，阿B見到D蛋糕個樣好渴望吃一啖~為食鬼。