一早起身就執2部電腦的檔案，然後研究下部新相機功能，食個杯麵，又執下野，終於約3點老公就起身喇！老公中途都有起過一次身問我〝係咪食左杯麵？〞，跟住又訓過。
老公：換衫去食野。
我：你肚餓丫？
老公：係丫~
我：唔去。我唔肚餓喎！
我冇埋佢繼續研究新相機，大半個鐘後佢終於忍唔住‧‧‧
老公：快D換衫，落街食野，順便你要去買〝絲爪囊〞刷。
我：等你試下我平時等你既感受。
老公：不如今晚約佢地食飯，上星期高達叔叔約食飯我地唔得閒。
我：是但啦。
〝絲爪囊〞刷係我要用黎刷甩D醫生膠紙印，我一邊講一邊換衫，而老公就聯絡熊貓姐姐和開心果姐姐，但佢地2個都唔得閒，所以老公就冇打比高達叔叔，因為老公話高達叔叔應該一陣會來電。
我地食完野就去搵〝絲爪囊〞刷，成個商場得2間有得買，最後去左平一半價錢有多的舖頭買左一大一細，因為得一個大。然後，回到家一陣高達叔叔真係來電約食晚飯。
我與老公都不想去人多的地方，高達叔叔唯有就我地來我地家附近吃，係出去前我吃左一個小蛋糕，但點解會有蛋殼呢？我食左幾盒都冇既，過後口內仍有少少殘餘蛋殼，心想莫非又崩牙？但趕時間冇看過究竟。
大家行左一陣街就去吃飯，沒事做就回家一齊打機。老公與高達叔叔一邊打機一邊Bid巴士，尋晚老公Bid唔到巴士，今晚終於Bid左架絕版〝九廣鐵路接駁巴士~K18〞。老公送高達叔叔去巴士站，我諗起去睇下D牙先~牙真的崩了，待老公回來告訴便他。
我：我真係崩左隻牙丫！
老公：上次果隻丫？
我：唔係~係另一隻，不過係另一邊同一位置同一隻。
老公：要唔要睇牙醫？
我：唔駛睇，它還未到琺瑯質，可能尋日食燒排骨吃崩的。
其實，我的牙不是那麼差，而是我從小到大都喜歡吃〝脆骨〞，即是白色有大有細、有軟有硬的骨，日積月累咪崩牙囉！我諗這次真的要與它〝say good-bye〞。
沒有留言:
發佈留言