老爺做冬‧寵壞小孩

之前約左老爺今日與他吃晚飯

，等老公放工我才出門口，但是我掛住湊阿B忘記左出門口，到老公來電才記起，老公問：「一陣食乜？」，嗯~叫餸食飯，因為老爺喜歡，我比預定的遲了5分鐘出門。

在車上老公來電了好幾次，問我：『去到邊？』、『決定去XX酒樓，叫我找他。』、『酒樓多人，我地去大排檔。』，而最後的來電是說：『老豆叫埋老朋友一齊吃飯，因為佢成日都幫老豆。』，老公早在車站等我，這是老公既習慣，如他是早到過我必定在我落車的地方等我。

老公見到我就同我講，頭先老朋友唔見你就問你係咪未到？去到見到老朋友、老朋友老婆和他們的孫，其實我都係第2次與他們見面，第一次是在老朋友的家。

老朋友：咁晏既？

我：係唔記得出門口。

老朋友：哦！遲左出門口。

我：係~因為我掛住湊阿B，所以遲左。

這位老朋友的孫讀小學非常健談、反叛，而且十分活躍，在整個晚餐過程不停的大聲說話，看到他是絕對係冇人可以令他乖乖的坐好，他不論對著什麼人甚至乎公公、婆婆有時說話都會〝肆無忌憚〞無禮，任何時候都係〝無皇管時段〞，不過，沒有人會生他的氣，因這就是〝童言無忌〞，並看得出他已被人〝寵壞〞了。

我對他們說上次看到他不是這樣，很怕醜乖乖的坐著與這次不同，老朋友老婆說：「上次佢媽媽係到，媽媽會打他，所以咪乖。」，還有碟餸在他的面前都要人幫他夾，我就話：「點解要人幫你夾既？」，他的婆婆說：「係丫！他要媽媽餵飯。」，上次在他的家中都看到他的媽媽餵他吃飯，我以為佢地趕時間回家，所以餵他原來不是。

吃完飯例牌傾下計，老朋友話這個孫被寵壞，老爺話如果去街要買野唔買就會〝賴地〞，老朋友都話係。孫兒不停講野，老朋友老婆就提意與孫兒行街，但孫兒不想與婆婆去，老朋友就騙他一齊走，老朋友行左幾步就回來，點知孫兒又隨後，怎樣都撇不開孫兒，唯有真的走下次再傾過。大家都好奇怪為何要這樣做呢？因為老朋友話孫兒被寵壞失禮，老公望住老朋友個孫笑，我知老公笑咩。

我：佢唔係過度活躍症，但佢返學係咪又係咁，係既咪成日都要罰囉？

老公：佢呢D返學就唔係咁。

我：哦~因為平時得佢一個冇人同佢傾計。

老公點頭表示應同，咁我就即刻問：「咁你小時候係咪又係咁架？」，老公冇我咁好氣唔答我。

其實，我一D都唔介意因為小朋友就是這樣，有句俗語：『寧生敗家仔，莫生蠢鈍兒。』，我都情願他活躍D，好過成個〝阿呆〞咁丫。