賺錢比老婆洗‧懷念〝大白兔糖〞

今日我要湊阿B去老公家，因為肥仔要返工，原本老公都話陪我去街買野，但又係多野做要返工，尋日公司先通知，初時老公都話唔返，但諗下當OT賺多D錢話比我買野都好喎！都唔知係咪既~到我買野時又話我，咁都冇計喇！好在有阿B陪我。

等娣婦放工後一齊去食野，然後我送左佢地去搭車我就回老公家，再等老公放工。老公放工來電問我想食乜？我都唔知，老公回來話想食〝煲仔飯〞，我地就落街去睇下附近有冇得吃。突然想食〝大白兔糖〞，因為頭先行到街邊聞到一陣好似〝大白兔糖〞既米紙味道，終是乎搵唔到煲仔飯食就去左買〝大白兔糖〞，仲買埋老公喜歡的〝魚柳〞，然後再回家樓下的茶餐廳吃。

之後我地去左〝惠康〞買野，我都唔知點解呢到間〝惠康〞D cahsier好似全部都係新人咁，繼上次聽唔明用〝百達通積分比錢〞〝激到爆！〞後，今日又有新傑作，我一共買左4大袋野，我一行到埋去個cashier就問我有冇儲分，我話有丫！到佢找錢時老公問佢有冇得儲分？佢話見到顯示器已經儲左，但我同老公都聽唔到〝嘟〞聲，不過佢話有又見佢手忙腳亂，所以我就等佢比張單我看過才決定如何，我一看就知冇儲分喇！

我：唔好意思，冇儲分。

Cashier：我見到有儲。

我：但係有既話張單會有show出黎。

Cashier：係~唔好意思。

我又見有人排隊、佢又手忙腳亂，再加上我地買左好多野，其仔人等左好耐咪由佢囉！我唔想阻住其他人嘛！

咁係咪叫我以後唔駛去呢間買野呢？老公話這間可能係〝Training舖〞，如果係果個阿姐就冇問題，咁果個真係阿姐，佢做左好耐架喇！唔通真係要見到阿姐先買得野？

我想買〝芝麻醬〞好耐，但唔知邊到有，之前問過Blog友話Supermarket就可以買到，可能我平時唔多留意，頭先係〝惠康〞我真係搵到喎！好野~可以整好多野食喇！