擔心‧開心

24 December 2007

今日老公一早請左假休息下，所以就帶阿B與熊貓姐姐食lunch，之後我要去〝荃灣廣場~吉之島10蚊店〞買野，再去商場的室外遊樂場玩。

我地去到租左架BB車，因為阿B不太喜歡用背帶和眼睏，心諗都係去完10蚊店就回去。我都好耐冇去這間10蚊店，原來這裡裝修過，貨品擺放位置都轉左。老公推阿B在附近遊蕩，一入到去我就見到有娣婦想買既小食，這小食可以撈埋飯一齊吃的，之前我地去其他分店都冇，我諗可能係翻左貨，所以我就買左一包，想買多包又怕買錯，得一包有樣睇。

頭先趕住出門口坐車時才記起忘了帶餅乾比阿B，老公話一陣買，我見這裡有，所以又簡左包比阿B，係收銀處附近看到有〝小饅頭〞，剛好老公經過我問買〝小饅頭〞or〝餅乾〞？老公話頭先經過阿B想用手攞〝小饅頭〞，於是我比餅乾佢拎住，再去攞〝小饅頭〞，阿B見到就輕輕手將餅乾放在自己雙腳上，我諗佢怕餅乾跌，放好後再拎〝小饅頭〞，咁樣我地就2樣都買晒，而我自己就買左廚房用品，結果我買左好多野。

我見阿B難得出嚟，而家又扭計，如果去遊樂場一定好開心，所以決定去同佢玩下，點知這個決定就出事，阿B玩左一陣就撞到爆血〝驚恐‧爆缸‧見紅〞，我、老公&阿B件衫都有血，但我件係黑色唔緊要，佢地果2件一陣回家要用〝曾Sir〞洗甩D血漬，頭先真係嚇到我喊，之後立即去睇醫生和通知肥仔和娣婦，醫生話沒有大礙。

娣婦有少少餓就去買左〝蠔餅〞吃，我與老公都不吃蠔都覺味道不錯。

跟住就向肥阿哥家出發，但去之前我與肥仔有野做要回家先，因為阿B唔可曝光，所以老公、娣婦、阿B就係家樓下等，我回家拎〝曾Sir〞洗甩D血漬，而肥仔要回家洗白白。

佢地同阿B去左〝惠康〞買野飲和晚餐，我冇等肥仔執好衫比老公&阿B換，再拎埋〝曾Sir〞就去join佢地。我地食完蠔餅後，我就去洗衫〝曾Sir〞真係掂，因為血漬係好難洗，但全部都比〝曾Sir〞洗甩晒。

其實，〝曾Sir〞就係〝曾近榮〞這支野係佢出品，但實際咩名就唔記得，有好多時D衫有漬我都係佢攪掂，因為唔會好似漂白水咁漂到D衫甩色又易黃。如果用晒我都唔識去買，因為係朋友既朋友幫我買架。由於我掛住打機，所以今晚晚餐係由娣婦一手包辦的。

頭先肥阿哥打比肥仔問D fish點？阿嫂都同我講左已幫我買齊我要既野，真係開心到飛起，但我亦都匯報左一件事比佢地知，就係我係落窗簾時不小心弄斷了一條繩，但係個簾仍然活動自如，阿嫂話其中一條繩已經係好幼好幼，肥阿哥之前都換過一次，聽左後〝如釋重負〞，因為整爛左，其實我都寫左張便條話我整爛左，而家張便條可以毀滅。