尋晚煎牛扒時心急唔小心比D油彈到都係紅左一撻，今日就變成咁樣喇！
每日老公都習慣吃完lunch就打一個電話比我，今日老公如常打嚟！
老公：一陣又要去走水貨。
我：吓！走咩水貨丫？(我一頭霧水)
老公：我一陣要返大陸拎野，跟住拎返香港公司，明天趕住要用。
我：得你一個咋？
老公：同埋佢地3個一齊去，書生仲要返到香港再拎去另一間廠。
我：點解既？你幾時返丫？
老公：邊個最近咪邊個去囉！唔知丫~今晚你拎飯比我食喇！
4點幾：老公又來電，今次係飯都唔駛帶比佢，因為大陸公司仲未攪掂，佢都唔知幾點可以返嚟！
7點幾：老公又再次來電，而家佢地係〝粉嶺〞落左車，係〝華都〞行左2個圈，而家去食飯，因為大陸公司而家都未收到運輸送貨，一陣7:45p.m.過關，過到去睇下點。
9點幾：老公來電，而家返緊嚟香港！但仲要返公司放低埋D野才可回來。
唔知道老公幾多點才回到家呢？佢公司成日都係咁，我都唔知點人點安排架！個個都好似〝無心戀戰〞咁！
11點幾：老公終於返黎喇！老公好攰坐左一陣，跟住叫我去煮麵比佢食，等佢洗白白後吃。
我吃完晚飯，獨自一人踏上歸家路，係等小巴的時候我諗起仲有
頭先係小巴到發生左一樣都幾得意既野，就係我與前面坐位的小朋友，唔係小朋友得意，而係得意在我與他同一時間叫落車，而句野仲係一模一樣〝麥當勞丫！唔該！〞，我地起步與終結都係同一時間，這個站只是得我與他落車咋！
你老公對你真係好, 成日都會打電話俾你, 有 d 男人打都唔打o架.
回覆刪除拍扡九週年, 嘩....咁開心o既日子, 出去食啦, 唔使自己做得咁辛苦. 食 d你同你老公都比較少食ｏ既ｏ野， 同又或或去返你地第一次拍拖ｏ既地方食下ｏ野行下， 哈．．． 回憶下當日ｏ既快時刻．
[版主回覆12/13/2007 22:44:00]我都覺得老公係呢方面比較好D，我從來都冇叫佢報到，佢每日都會至少有2、3個電話，但其他方面就‧‧‧
你隻手無乜事嗎?? 我都係好容易整親ｏ既人， 依家屋企多隻貓， 受傷ｏ既情況就更多．．． 大家都要小心， 保重身體呀!!
回覆刪除[版主回覆12/13/2007 22:46:00]我隻手頭先有D癢，唔覺意抓左幾下，而家有D癢&痛。你都要小心，佢地D爪都幾勁下。
恭喜!拍拖9週年係一年開心嘅事,出去食又好,自己煮又好,總之開心,同埋老公錫你就得架啦~哈!
回覆刪除[版主回覆12/14/2007 15:32:00]多謝你！嗯~我真很開心。我諗都係到時才決定，我都同老公講唔出街都可以，可能到時我地食飯盒~咔~咔~咔~！