執到寶‧做善事

今晚我整左〝薯仔炆雞翼〞，我與老公都覺得比之前的味道較好，而且今次冇之前炆咁耐，但薯仔都已淋，還有阿婆既蒸蛋(阿B)、西洋菜湯，老豆既臘肉炒甜豆、南乳炆豬手。

我仲有一個〝蟹籽沙律〞做宵夜添！係娣婦頭先來電放工要去拎野遲少少返，仲問我吃唔吃〝蟹籽沙律〞？她順手買比我。

吃飽飽拎埋宵夜一齊與老公回家，落車後老公要去〝7-11~增值八達窿〞，落車老公行先，我行左幾步之後，發現在我兩腳中間既地下有D野喎！其實，我見到時心想係咪〝人仔〞，因為老公成日都整鬼我話比〝人仔〞我，但兩者又真係幾似既。我就叫老公過黎，老公一手就執起望一望比左我，我問要唔要〝報警〞，老公話唔駛，應該係D人趕住去買馬跌左，原因對面是〝馬會〞，跟住行入〝7-11〞。

我地增值完行出〝7-11〞睇下幾多錢？執到百幾蚊，再問多次要唔要報警，都係話唔駛，我就決定用少少做善事〝鋪草皮〞，我不常買〝六合彩〞，老公話：「好！明天有〝4300百萬〞，仲話今日跑馬〝馬會〞未收。」，老公間中都有叫我買，我話我唔會〝鋪草皮〞，因為都唔會中，買一個希望、多一個失望。

報警，不過跌左既人都唔會去報警，但係我都知是不對，所以我都做左少少善事，我預左〝鋪草皮〞，令到自己個心會好D，始終都唔係咁好既事。

〝薯仔炆雞翼〞煮得好吃，又有〝蟹籽沙律〞做宵夜，之後又執到寶~今晚真係〝乎復何求〞。