唔鬧唔得既~

今日我要湊阿B去老公家，因為肥仔要返工，等娣婦放工接阿B返婆婆到做冬食飯，然後肥仔放工自己去。

尋日老公公司才決定今日要返工，在出門口前老公就將D被舖、枕頭砌左個人形係將床到，佢叫我睇下阿B會唔會掀開張被篤，因為老公話上次阿B掀開張被用手指篤佢喎！所以就佈這個陣，但係阿B由頭到尾都冇理會這堆野，可能係年齡還少唔覺似人形。

阿B~8點幾起身，10點到就起程，但阿B唔肯自己行出門口，我好不容易才令他自己行出去，可是行出後就扭要抱，阿B立即黏住行過黎既阿婆，當然阿婆抱佢喇！我緊唔會由佢喇！咪抱過黎再放佢落地，雖然，佢係喊緊我都迫佢行，行行下咪冇野不知幾開心。前排我常常帶佢落街，所以都肯行，呢排就冇又回復舊狀~唔肯行。10點幾去到老公家，煮左通粉比阿B吃阿媽就來電。

阿媽：阿B點？

我：咩點丫？

阿媽：阿B係屋企行來行去行到攰，佢唔行咪抱佢囉！

我：我有丫！等佢行到唔肯行咪抱囉！

阿媽：過馬路危險。

我：我緊係抱佢過馬路喇！

咁樣阿B點可以成長呢？

11點幾就眼訓咪抱佢上床，佢係床到猛攪窗簾，咪同佢轉位，之後佢訓低左，但一陣又起身，訓下起下，後來我發現原來佢睇到自己係玻璃上的倒影得意就係到玩，唯有抱佢訓喇！乖左一陣又曳過，又再放回床上，佢死都唔訓，我就起身落床話〝唔要你丫~咁曳唔覺豬〞，佢訓係床上伸手要我抱，我緊係唔抱喇！隔左一陣佢就喊，繼而自己滑落床攬住我隻腳，我抱起佢收左聲就同佢講：「一陣同媽媽一齊食mum mum，跟住去街街，你而家唔訓一陣扭計咪冇得玩囉！」，佢攬住我僕左係我膊頭一陣就冇郁，再過多一陣望下佢原來訓左，我諗阿B比我鬧完後1分鐘到就訓左。

娣婦來電要遲些到，因為有朋友送〝聖誕禮物〞比阿B要等她，不要緊我沒事做和阿B都未醒。娣婦來到一按門鐘阿B聽到就好似差人搜身咁~高舉2隻手，當我開門擰轉頭就見阿B張開眼周圍望。娣婦同阿B講份〝聖誕禮物〞係XX姨姨送架，你自己拆喇！

我：唉~XX姨姨好似成日都送野比阿B架喎！

娣婦：係丫~差不多每一個月都有一份。

我地去到食野，阿B好乖自己用瓷匙食，阿B都算食得乾淨，平時小朋友會食到全身都係、成枱成地都有或倒瀉晒，而佢只係得枱面圍住個碗既小小範圍有飯，又冇攪住我地，所以我地係3個一齊各自吃，有時都會教、輔助下阿B既。不過，不可以太快讚，還要繼續觀察。