阿媽買左〝美心燒肉〞成80蚊一斤，只是得個皮脆，其他都冇咩特別，這個效果有時街都會買到駛乜咁貴。
今早老豆就同我講阿媽將床榻左落嚟！老公食完飯就望、聞、問、切，唔單止我幫手連阿B都想幫手，但係佢用盡方法都過唔到嚟！老公攪掂左，但我地係工具箱又搵唔到一粒長D〝螺絲〞代替舊的，因為長D好D，而家暫時冇問題用住先。
我〝八達通〞要增值去左〝7-11〞，見到零食又買，同埋上星期日去BBQ去〝惠康〞買野用〝八達通積分比〞多一個印花，但我唔知個promote做完未，到時問下咪知囉！所以我與老公去左〝惠康〞逛逛。到我要比錢時問個cashier。
我：係咪用〝八達通積分比〞多一個印花？
Cashier：mm‧‧‧‧(佢表情話比我聽唔明)
我：係咪用〝八達通積分比〞多一個印花？我尾數用cash比。
Cashier：我都未scan你點知幾多錢？(佢做手勢)
我：我〝八達通〞冇咁多分。哦！咁好你scan完先。
Cashier：多謝妳！$54.2。
我：用〝八達通積分比〞尾數我比cash。
Cashier：你用〝八達通〞比錢。
我：唔係，我用〝八達通積分比〞尾數我比cash。
Cashier示意叫我〝嘟~八達通〞，我見後面好多人等比錢，又開得一個counter，我唔同佢再講就當佢明喇！我單都唔駛睇就知佢錯，因為佢比得一個印花我，咁即係當我用〝八達通〞比錢喇！我就問佢‧‧‧
我：唔係〝八達通積分比〞多一個印花架咩？
Cashier：哦！唔好意思！
我：我已經講得好清楚用〝八達通積分比〞。
如果唔係咁多人排隊比錢又開得一個counter，我實同佢慢慢講。真係激到我爆燈
我：早知頭先唔增值喇！咁咪比唔到錢囉！
老公：你唔增值都可以比到架。
我：係喎！可以負一次架喎！點解佢唔識又唔問人既呢？又冇人幫佢手呢？
老公：我覺得佢唔止唔識，仲好似唔知咁。
我都唔明我講得咁清楚用〝八達通積分比〞尾數我比cash你，而我仲好強調〝積分〞咁都唔明。有時真係遇到呢D人就激到血都嘔幾桶
沒有留言:
發佈留言