老友記‧秋季BBQ (醃製篇)

星期五，我忘了買乳鴿，所以今日要去買，跟住就用肥媽教整燒鵝的做法去做，咁明天就有燒乳鴿食，但唔知隻乳鴿皮燒完脆唔脆呢，希望D野唔會太難食喇！

今日娣婦湊走了阿B後，我與老公就去食野，跟住去買乳鴿。我一心諗住凍肉舖會有，以前阿媽都係係屋企樓下凍肉舖買，但係原來唔係間間有，足知兜兜轉轉係老公屋企樓下才搵到有。

晚上8點幾我才洗乳鴿〝內籠〞，在清洗時有用手套~我最怕，由其是要由肚內扯2隻腳出黎。2隻鴿身有好多毛，我就用眉鉗拔起，睇過全部清除就拎去拖水谷脹，但谷脹後有很多毛走出黎，我冇再拔，時間唔許可。我還要上皮風乾就可以去燒，再拔我怕又要好夜才睡。

尋日醃左雞翼(全、中)、牛扒、雞扒，而雞翼每款還醃了2種味道。基本上雞扒的肥膏已起晒，除左黏住雞皮果D。