地墊

上星期去買地墊比阿B，去到

得阿Phoo冇米奇

，售貨員話要米奇就同我訂，我係

米奇粉絲緊係訂喇

。夜晚同肥仔講，佢話之前係果到都見到有張米奇好靚想買，但屋企有張眠被被阿B當地墊用，所以冇買，我訂時售貨員又形容唔到咩樣，我估可能係肥仔話果張，點解我會買？因為地墊方便好多，有污穢抺就可以，眠被有污穢要拎去洗又要拎去乾，幾麻煩。

尋日下午收到電話地墊有貨，我話明天才去拎，但到傍晚阿B食奶中埸休息時見到阿B好想出街，我同阿B講一陣去街街，阿B一聽到即刻

好肉緊碌大隻眼大叫

，肥仔聽到即刻擰轉頭望同阿B講食完奶去街街，結果都係食唔晒就一行4人去，因為剛好娣婦返。

我係間黎村訂都要行15分鐘先到，順便可以同阿B散步吸下新鮮空氣，回家途中阿B訓左，我地就係公園坐等阿B訓多一陣。阿B見到我抺地墊

笑得好開心，小朋友真係易氹。