~Bistro Smap~ 來自日本的Smap x Smap烹飪書

好幾年前好興買〝番皂〞日劇睇，而Smap既電視節目亦都有〝番皂〞買，以我鍾意草彅剛＆木村

梗買黎睇喇，我覺得廚藝比併形式與鐵人料理差不多，每次睇我都笑到碌地，點知係其中一集比我睇到佢地有出書，

試問我點去日本買呢？唯有算吧喇！咁大家會覺得好奇怪，點解我會有呢本書，仲要係來自日本，就係因為我以前公司係日本果邊既office有一個日本人同事幫我買，我叫一個與他認識耐而且熟絡D既同事幫我問下佢可唔可以幫我買

，佢應承幫我搵有就幫我買，結果好快就收到用速遞寄過黎既書，

而且佢仲唔收我錢，無論係工作上和朋友上果個日本人都好好架

，真係唔該晒！

Smap x Smap本烹飪書全部都係日文，佢識我而我又唔識佢，好在我大嫂&娣婦都識日文，所以咁近城皇廟我就叫左娣婦幫我翻譯左一D食譜做中文。 

Smap成員：中居正廣、木村拓哉、稻垣吾郎、草彅剛、香取慎悟

SMAP X SMAP 係一個由SMAP自94 年開始主持的電視節目。節目入面大約分為三個部份，烹任比賽、搞笑短劇和卡拉OK混合唱！其中短劇有很多人物， SMAP 五位成員會施展渾身解數扮鬼扮馬。例如木村會扮 Leonardo DiCaprio 同埋P仔，草剪會扮殭屍，中居會扮計算小姐，慎吾會扮 Dennis Rodman ， 吾郎亦有他的 G-Shock 趣劇。SMAP 五子還會親自煮番幾味比試烹調功夫。

日本有雜誌搞了一個SMAP X SMAP 最受歡迎的項目選舉，最受歡迎係隊長中居正廣的計算小姐，而 SMAP入廚房鬥煮飯就第二位。咪以為佢地好水皮，比賽起來好認真，次次請兩、三個嘉賓去試食，而睇佢 地煮起來，就知到事前做足工夫。

本書一共有3章：

I章：Welcome to Bistro SMAP

II章：Bistro SMAP Special Recipe

III章：Bistro SMAP x STAFF etc.

Smap廚藝比賽場地