端午節

我屋企向來都係提前做節，因為不用排長龍買燒肉&雞。

今次我預備整春卷&咖喱雞翼，所以尋日已經將春卷既材料炒好，但木耳浸多左，我見既然如此就加插碗仔翅做我地既下午茶。今次春卷包左34條，但我炸左23條，因為有其他餸我怕食唔晒。由於春卷售罄&整過好多次就不用問意見啦，而咖喱雞翼我以前都有煮，但不是用呢種方法，今次我係跟書整印度咖喱，所以我就問佢地意見，佢地都話好食

，但肥仔話葡汁雞翼香D、咖喱雞翼好食D，而老公話雞翼未入味，我自己就覺得咖喱味唔香，可能係我用牛奶&椰汁方面多左，又冇加返多D咖喱粉。

小貼士：

自己經驗：春卷皮開封後可以用保鮮紙包好放回袋內，再用三文治袋入好放入冰箱儲存，我試過放3個月都可以用。

阿蘇話：春卷包好後可以放入冰箱儲存或即炸來吃，最耐可以存放一個月。