Trandyland‧美亞@開倉

欲知前提請到：聖誕派對2008@學校

今日我行程真係好緊密，由早到晚都有節目，可以分為三部份。早上參加完阿B學校既〝聖誕派對2008@學校〞後，就要趕去與熊貓姐姐和至Fit姐姐去行街。今日我地行街都係去開倉地方，所以老公就係家睡，夜晚先join我一齊去與老爺做節。

上次與熊貓姐姐去街，佢想買〝香蕉糕〞被我制止，仲應承左下次整比佢吃，所以我尋日就整左一底，見到就送左比佢和至Fit姐姐，熊貓姐姐肚餓，所以吃左幾舊，佢話好食、好軟，但有少少怪味，我話係咪似〝天拿水味〞，我從小就有咁既感覺。

行街前佢地陪我去一個地方先，因為尋日收到房署信派第二次屋，我就與熊貓姐姐講明天要加插〝睇樓團〞，我與老公應該都不接獲這次安排，但都想先賭為快，可惜都撲空，詳細情況下次去完屋邨辦事處再講。

我地既行程都係係觀塘，所以就坐地鐵去觀塘，係地鐵到提起急症室，佢地就問下我隻眼既傷勢，我戴住眼鏡，唔多覺，除左都係唔覺，因為瘀散左好多，佢地都話好在有副眼鏡。

大家都未食野，就去茶餐廳叫左3個茶餐，有炒粉、麵和飯，若果老公係到就真係粥、粉、麵、飯都齊晒囉！嘆完就去左附近睇〝女性用品〞，因為有開倉，得至Fit姐姐有一樣收穫。

每年年尾Trandyland都會開倉，我每年都會去，今年熊貓姐姐都想去睇下，所以我地又貢上去睇，地方冇〝長沙灣〞咁大，人都冇果邊咁多。

我見到對米奇碗連筷子，碗既size係麵碗，只須50蚊就可以帶它回家，熊貓姐姐都想買，但冇阿Pooh。我諗住臨走先拎，轉頭又經過，眼前既貨已冇晒得返Display，售貨員都話冇存貨，之前仲有阿Pooh架！我見Display都完好就買喇！再買多個Boots Keeper，就走人，得我一個有收穫咋！

上次係老爺家商場見到Trandyland outlet，應承左熊貓姐姐一陣過去見到，又係50蚊有阿Pooh，就幫她買。食完飯去睇，間野已經冇左，變左另一間散貨場。

我讀小學時已聽過〝美亞〞開倉，仲要係拎籌添！今次係我聽左咁耐第一次去，上到去冇預期咁驚喜，可能尾聲唔會逼到水洩不通。我地3個都有收穫，有D標價係員工價可以平多D，我地問問下個阿姐送左3張〝員工折扣咭〞比我地。熊貓姐姐除左幫同事買左個Pan之外，自己都買左隻〝42吋陽極鑊〞，有〝員工折扣咭〞可以平多百幾蚊。我有好多都想買，但未搬就唔買住，到要搬就頭痕。

欲知後事如何請到：大排檔與老爺做冬@2008