雙〝12〞幸運日

尋晚同老公講左，係〝Taste〞買橄欖油好抵，佢都讚成我買多支，所以今日我湊左阿B返學，我又去左〝Taste〞行。我見到牛油已去回原價，但橄欖油仍然減緊，我又掃多支，好野~真係有排用喇！

我又係整左蛋糕〝迷你紙包小蛋糕〞，之後又敷左個Mask，跟住又湊阿B放學，今日時間充裕D，我可以幫到阿B洗白白先走。

今日8點先打波，我與熊貓姐姐約左係〝百佳〞等，我5點幾回到家執下野，6點出門，突然收到熊貓姐姐來電要遲10-15分鐘，我行左一陣街，就企係〝百佳〞等，企下諗下發現我原來冇帶波，立即回家拎和通知熊貓姐姐不用趕，不過，佢都放工照舊〝百佳〞等，好在佢遲咋！唔係去到先發現就煩喇！

我地相遇後，就陪熊貓姐姐去買D野，再行去一間想試食好耐既舖頭，問左可以訂位，我地就book左今晚9點半，職員仲話遲D會搬。

之前見到有Blog友介紹話唔錯，我成日都見到佢好多人等位，而阿嫂都話呢間野，一開張就係好多人幫襯，所以以前有時佢與肥阿哥想試都冇試過，實在太多人。

我地去到運動場，見到counter冇人排隊，平時都會有幾個人係到，就算得一個人排隊，都會攪好耐，今次不用等就簽到場，頭先又訂到位食飯，真係好彩。

今次我地試左，老公就覺得麻麻，仲話觀塘街市仲好吃過佢，我與熊貓姐姐都覺得OK，下次都會再吃。我諗係我地order既餸款式唔好，咁多人幫襯緊有它的好處既，下次多人可以試多D，再可以試真D先，好既先介紹邊間。

招牌黃金蝦：熊貓姐姐覺得好味，我與老公都覺得，之前食過一間位於〝粉嶺〞好味好多，但呢間都好好味。

南乳炸雞件：好香南乳味，大家都覺得好味，老公好彩吃舊舊都多肉，我與熊貓姐姐就食極都係骨多、肥膏多，若果多肉既話就perfect嘞！

瑤柱豆苗：我唔吃，熊貓姐姐話OK，但老公話一般喇！