聖誕派對2008@學校

今日係阿B學校開〝聖誕派對〞，亦都係阿B第一次參加，
4-6歲就9至十點開，阿B兩歲半，屬2-3歲就11點至12點開。
娣婦要返工，所以就由我和肥仔帶阿B一齊去，今日阿B有好多禮物。
我發現阿B係學校應該都好乖，因為有好多老師和學校阿嬸都走過來同阿B玩，
又影相，玩遊戲時又讚佢叻，我見其他小朋友都好少咁樣。

一入學校就有張遊戲卷，每一個老師負責一個區域。

聖誕滾滾樂

將個波滾下，碌中邊個就要搵返一樣既牌，再掛落聖誕樹。
阿B玩左幾次，不過都係對碌波波有興趣咋！

玩完就有禮物。

親子小食

老師比左D七彩朱古力碎和朱古力碎阿B裝飾個蛋糕，然後放入焗爐焗。
阿B將D朱古力碎就咁食，之後肥仔就教佢。

焗既時學校其中一個阿嬸，就請阿B食另一個完成品，拎左就即刻擺落口。

親子迷宮

迷宮盡頭有間屋，屋內有好多禮物，可以揀一份自己喜歡的。
阿B第一次要引道材可完成，其後幾次都可以自行完成。

阿B不停開窗閂窗，玩得好開心。

阿B第一次係拎左隻公仔，但佢又入返去放低左係屋內，然後又行過，
第二次係梳，第三次叫佢唔好拎，但老師話唔緊要，果份野我都唔知係乜。

聖誕豆豆樂

豆袋和籃都有圖案，只要拋落相同圖案就可以。

玩完又有一份禮物。

親子圖工

整聖誕帽，阿B只係貼左幾塊，其他都係肥仔代勞。

阿B唔鍾意帶帽，要肥仔禁住佢先影到。

聖誕大比併

趁肥仔幫阿B整緊聖誕帽，我就帶阿B去另一到玩，
阿B緊係唔識砌喇！到我出手嘞！我砌完就叫佢擺回籃內。

砌完又有禮物，但阿B好怕它的，只係用手捏著一條咋！

佢見到電話又話要打比媽媽。

臨走仲有好多禮物。

阿B接過福娃就立即拎住走。

睇下佢攬得幾實。

學校門口仲有阿B上堂既相添啵！

頭先係阿B課室見到阿B張〝龍椅〞，之前老師話阿B一返到去，就會坐上去攤抖下。

老師仲介紹左阿B既作品比我睇！

呢個係阿B個信箱，而家教緊佢地寄信。

欲知後事如何請到：Trandyland‧美亞@開倉、大排檔與老爺做冬@2008