西式冬至@2008

近2、3個月唔多想寫blog，冇左以前份熾熱，以前每日都會寫一篇或多過一篇，但而家就唔會，有時寫都會對住誓願，又或者拖好耐先寫完，唔想寫，但又想記低，真係好矛盾。

今朝8點幾又被鄰居嘈醒，我起身初時都冇野，但慢慢開始有D唔妥，肩頸已劇痛左一個月多，今日痛到個頭就爆，有點標冷汗，又痾左幾次，還有點想嘔既感覺，我上床休息左幾次，都係睡不著。

每逢放假我都會等老公起身，然後去食野，今日等到11點幾先有D餓，食左2塊包、一包仔Tomato，食完冇耐就嘔，都係頂唔到肚餓，就煮個米粉吃，吃左一啖又嘔多次，感覺就好似〝腸胃炎〞。

我等到老公12點幾起身，就同老公講，然後上床瞓，瞓到約2點先起身，瞓醒個人好D，再落街食野。

今晚老公話出街食，我既米粉吃光去左〝Taste〞買，買買下就買左3大袋野，見D扒又OK，出街食做冬又多人，所以就煎牛扒吃，都有好耐都冇煎扒。我煎緊薯餅先記起買漏番茄，咁耐冇煮好彩都冇失手，食完個晚餐仲有少少頭痛。