三倍日

明日約左朋友吃飯，上次整〝椰子圓餅〞好評如潮，而且仲有椰漿剩，所以就再整多次，可以送比朋友之餘，又可以用咁D椰漿。

今次我整〝椰子圓餅〞整左3倍份量，由於份量咁重，我怕整既時候D野會週圍飛，所以用左書教既方法，將錫紙蓋住再開窿，但係張錫紙打到爛晒都未得，跟住我再整過張新既，第二次就掌握到D。

上次好快整完，今次咁多我足足整左3個鐘有多，一共整左49塊。呢D就係預備明天既〝伴手禮〞，希望佢地鍾意喇！

今早我回娘家，阿媽想我陪佢去街買野，我就叫佢3點到接阿B放學，我湊左阿B返學就回去整〝椰子圓餅〞，阿媽2點幾來電，佢話學校准阿B咁早放學，一定要佢放4點半，因為學校話阿B與其他小朋友不是太融合，阿媽話下次先去。

我諗住明天先整〝椰香小蛋糕〞，不過，而家咁我就整它。我諗住明天將它們送給朋友們，椰漿又未用晒，我想要用晒椰漿為原則，所以又整左3倍份量既〝椰香小蛋糕〞，但係製成品真係唔太好吃，真失望。

今晚我地兩公婆，又係食〝沙嗲牛肉湯意~懶人版〞，但今次係用〝濃湯寶〞做湯底，呢個〝濃湯寶〞係上次街派的。老公話今次係最好的一次，個湯唔濃剛剛好，咁樣我下次都買〝濃湯寶〞先。

我肩頸好痛，令到我個頭都好痛，成個人都冇心機，我寫完就要眠，明天要早起book羽毛球場。