沒老公開心自由行

高達叔叔想去黃金海岸影相，上次燒野食講開，高佬叔叔女友又想去行下，不過，高佬叔叔要返工，所以就約左今日去。原本想帶埋老豆呢部菲林機去，但我又拎埋腳架諗住影埋日落，最後都係冇拎去。

尋晚差不多3點瞓，今朝6點醒左，因為頭和肩頸都好痛，人係好攰，但痛到瞓唔著，我係床碌左半個鐘，見瞓唔著無謂浪費時間就起身，跟住就食粒長效，但痛楚依然冇減，等到原定時間地點集合。

今日佢地都好失望，而且話唔會再來，因為冇乜野影，我又唔失望，因為我去過預左係咁上下，不過，就因冇野影，所以就捱唔到影日落。

我想行黃金海岸既跳蝨市場好耐，終於今日有幸行到，老公一定唔會陪我去。我地食野，佢地又與我一齊影相，平時老公唔鍾意我影架！所以佢今日有事返左大陸唔係到，我真係好開心，不過，佢唔返都唔會陪我去影相。

高佬叔叔要去旺角買D野，所以我地出左旺角等佢和老公，順便去埋星期日為老公攪既生會既Cafe食飯兼book位。呢間cafe真係唔錯，連老公都話好。

芝士菠菜焗田螺~高佬叔叔女友極力推介，我試過真係好味，田螺和薯蓉都好多。

酥炸鮮白菌~好味。

白汁吞拿魚長通粉~好味。

水秤座皇牌焗芝士海鮮闊麵~好味。

煙肉洋蔥蜆殼粉~好香煙肉味。

一籃子雞翼~食第一啖覺得一般，再吃多啖就覺得唔錯。

火辣雞串燒~一般、冇特別，但唔難食，一D都唔辣。

泡芙~好味，中間好似夾雪糕，眨下眼就冇晒。