新玩具@巴士

今日肥仔放假，佢就陪我帶阿B去〝協康會〞上堂，上完堂我地就去食茶餐，老公公司有事，佢6點就走人，所以比娣婦早到來。阿B今日坐唔定上堂都週圍走，所以我與老公就帶佢去〝80M〞買巴士，走既時候鉍婦都來到吃Tea。

阿B係門口見到已經笑到合唔埋口，眼不轉晴望住巴士。

入到去阿B揀巴士，佢架架都拎上手，又對搖控的士有興趣，但係佢都唔識玩，而且又咁重，一陣又發生揼腳事件就慘喇！最後阿B揀左架新巴(回力)，因為阿B記得係丈丈家都有架！係屬於佢既巴士。

阿B拎住架車，都不忘睇其他。

一出舖頭就要拆來玩。

我都未見過佢咁乖，冇放低過架巴士，連我地掂下都唔得，係都要自己拎住。

返到屋企趁佢唔知我拎走左，佢一知唔見就發脾氣，我比返佢就立即要拆，後來發現門開唔到就多玩，因為丈丈家果架係可以開門。架車玩不夠半小時，上層前擋風玻璃窗已裂開，老公話呢架用料比上次果架差〝開心一日遊@丈丈與姑媽〞。

今日我返到屋企，阿婆話晏晝餵飯時，阿B曳係餐櫈跌左落地，背部撞到當時有D腫，但腫已消，只係有D瘀。

尋日係海洋公園買左隻杯，飲管係有幾個圈，姑娘話用呢D飲管對阿B會有幫助，不過飲管烚一烚就直左，冇左原來隻杯既用處，所以娣婦諗住上網搵下。