醃鹹柑桔 (內附食譜)

從小就見到娘家有盎〝鎮家之寶~鹹四季桔〞，記得好似有2盎，但而家剩下一盎，盎野年紀應該比我還要大，成盎黑黑的，小時候我都有辛品嚐過，但事隔已久，已遺忘左味道。

我好多年前已經想自製一盎，但成日都的不起心，前年又見娣婦醃一盎，就同自己講我又要醃，拖拖下又係冇左件事。到今年阿蘇教人醃製，再到老爺家，老爺又買左來醃，仲教我要用滾水浸下，因為大多都有農藥，今次真係唔得喇！要拎個心出來先。

尋日我就去街市買，想買四季桔，但搵唔到，就買左柑桔，6蚊一磅，我買左十蚊。生果擋阿伯都有教我點樣醃，又話〝牙擦蘇〞都有教喇！〝牙擦蘇〞應該係指阿蘇，阿伯教要在盎底舖層鹽先，用鹽包住柑桔。

我抺柑桔感覺到黏黏的，阿媽話柑桔甜先係咁，邊抺邊揀，不要的給阿公吃，阿公都話好食好甜。我將其中一粒〝的〞甩掉的柑桔不要，阿媽話唔緊要〝的〞都要除掉，吓~阿蘇和生果阿伯都話〝的〞要架啵！所以我全部〝的〞都保留下來。

阿媽將佢珍藏的〝雀巢咖啡盎〞給我，我諗有好多人都未見過，我想醃2盎，但阿媽叫我醃一盎已夠，而家呢盎就係我既〝嫁奩〞喇！有機會既再醃多盎先。

醃鹹柑桔

材料：

柑桔

鹽

做法：

1.          用水洗淨柑桔。

2.          煲滾水熄火，然後下柑桔浸幾秒，用筲箕隔去水份。

3.          用廚房紙巾逐粒柑桔抺去水份，然後風乾一晚。

4.          盎底舖一層鹽，再排一層柑桔，重覆此步驟，但最尾一層要舖鹽。

貼士：

l        不一定要塞滿整個盎。

l       

用滾水浸柑桔，想去除農藥。

l        若果青色柑桔，都可以汆一汆水。

l        柑桔要用交剪剪下，還要留一點把兒。

l        我想快柑桔快D乾身，所以用廚房紙巾抺乾，再吹風一晚。

l        千萬不要用手摘下，因為可能在拔既時候露出肉，咁就會發霉。

l        頭幾個月要留意柑桔是否被鹽蓋住，若柑桔沒被鹽蓋住就會發霉。