團年飯@2009

尋晚唱K通頂，今朝7點幾回到家，返到去洗個臉就瞓。娣婦12點來電問我去唔去飲茶？我問左老公唔去。

我瞓到2點就起身，因為今日娘家食團年飯，尋日炒定春卷餡料，要回去包再炸。我上磅既磅數颷升左3磅幾，真係有D心傷，可能係尋晚飲多左甜野，我食個米粉就起程，炸完春卷先洗白白。

我等到6點就打電話叫老公起身，佢好叻仔丫！5點20分就起左身，仲煮左野食添！洗埋白白就起程來。

節日既餸菜越來越簡單，我話煮多幾味，阿媽又話唔好，佢怕我煮得耐唔知幾時有得食，所以可以話都係食返拜神既野。我地有11個人，每碟餸都分左2碟容易夾。

春卷~我最拿手既野，好受歡迎架！今次整左36條每人有3條多D，而阿B就有2條，但今次味道冇之前咁好，而且可能汁多，有1/3都穿左，唔係咁美觀，但依然食晒。

豪油菜心~我烚完就將佢攤開放涼，因為未人齊，食既時候凍左，仍然好爽。

白切雞~好奇怪有雞買，新聞又話有錢都買唔到既？阿媽話隻雞120蚊。

燒肉~老豆話未熟，所以我拎左去爆。

髮菜豪豉燜冬菇~老豆最拿手既菜，每個節日都係由老公燜既。

西洋菜湯~係我鍾意飲既湯其中一款，我飲左2碗，但今次西洋菜冇以前咁好食。