接炸彈@年初七2009

今日拎喜帖、睇婚紗相，順便聚一聚，聚就離不開打馬吊，計埋今日係新年期間，這場已係第4場，但4場都係輸，經過埋今日我要停戰一段時間，因為真係好黑仔。

老公去到睇報紙，然後坐係梳化瞓覺，每次如是。我見手風不太好，而且夠鍾食藥，就拍醒老公救駕一陣，佢例牌用不滿既表情和態度作回應，我只好走回麻雀檯繼續。

我真係好嬲，佢成日都唔同我D朋友打麻雀，但佢就會同佢既朋友打架啵！我與佢既朋友打，佢又會同我爭打添架！

今次我冇發佢脾氣，亦冇黑面，只係唔出聲。佢知我嬲，所以又幫我拎手袋，又幫我擋風，又同我講笑，表現得好體貼，平時把口用野撬都唔開，成日答我野只係點頭、擰頭。

食飯時朋友話我之前好似發水麵包，而家瘦左D，仲鼓勵我繼續努力。今日過後新年活動終於完結，一切可以回復正常。